News Portal

  • मन्त्रिपरिषद पुनर्गठनमा प्रचण्डका मान्छेले भाग खोसेको भन्दै ओलीपक्षमा असन्तुष्टि

    भक्तपुरपोस्ट संवाददाता
    ९९८ पटक

    काठमाडौं, १० पुस । संघीय प्रतिनिधि सभा विघटन गरेका प्रधानमन्त्री केपी ओलीले आज मन्त्रिपरिषद पुनर्गठन गरेका छन् । पुनर्गठित मन्त्रिपरिषद्मा प्रम ओलीले अधिकांश प्रचण्डका मान्छेहरुलाई मन्त्री बनाएका छन् । प्रधानमन्त्री ओलीले पूर्व माओवादी समूहका पाँच नेतालाई मन्त्री बनाएपछि उनका खास भनिन रुचाउने मान्छेहरु रुष्ट बनेका छन् ।

    ऊर्जा, जलस्रोत तथा सिँचाइ मन्त्रालयमा टोपबहादुर रायमाझीसहित पूर्व माओवादीका प्रभु साह, मणि थापा, हरिशंकर चौधरी र दावा लामालाई ओलीले मन्त्री बनाएका हुन् । पुनर्गठित मन्त्रिपरिषदमा मणि थापा खानेपानी, प्रभु साह शहरी विकास, हरिशंकर चौधरीलाई श्रम र दावा लामालाई ओलीले युवा तथा खेलकुद मन्त्रालय सुम्पिएका छन् ।

    संसद विघटन र नेकपामा आएको फूटमा आफूलाई साथ दिने पूर्वमाओवादी समूहका नेताहरुलाई प्रधानमन्त्रीले मन्त्रिमण्डलमा लगेपछि ओली समुहमा असन्तुष्टि फैलिएको छ । यसअघि मन्त्रिपरिषदमा पूर्व माओवादीका तर्फबाट रामबहादुर थापा गृहमन्त्री र लेखराज भट्ट उद्योग तथा वाणिज्य तथा आपूर्ति मन्त्री छन्।

    प्रधानमन्त्री ओलीले पुस ५ गते संसद विघटन गर्ने निर्णय गरेपछि प्रचण्ड–नेपाल पक्षका सात मन्त्रीले राजीनामा दिएका थिए। प्रधानमन्त्री ओलीले प्रचण्डका मान्छेहरुलाई मात्र मन्त्री बनाएपछि लामोसमयदेखि ओली नजिक देखिएका नेताहरु र तीनका कार्यकर्ताहरु रुष्ट बनेको देखिएको छ । कतिपयले नव नियुक्त मन्त्रीहरुलाई बधाई दिएका छैनन् भने केहीले ढिला गरी औपचारिकतामा मात्र बधाई दिई टोपलेको देखिन्छ ।

    ओलीका खम्बा मानिने महेश बस्नेत, राजेन्द्र गौतम, विशाल भट्टराई लगायतको मन्त्री बन्ने हल्ला चलेपनि प्रचण्डका मानिसहरु प्रधानमन्त्रीको रोजाइमा परेपछि उनीहरुको भाग खोसिएको हो । आज मन्त्रीमंडलमा अाेलीका प्रेम आले वन तथा वातावरण मन्त्री र जुलीकुमारी महतो महिला, बालबालिका तथा ज्येष्ठ नागरिक मन्त्री भएकी छन् । यसअघि स्वास्थ्यमन्त्री रहेका भानुभक्त ढकाल पर्यटन र संघीय मामिला मन्त्री रहेका हृदयदेख त्रिपाठी स्वास्थ्य मन्त्री, महिला बालबालिका मन्त्री लीलानाथ श्रेष्ठ कानून र कानूनमन्त्री शिवमाया तुम्बाहाङ्फे भूमिसुधार मन्त्री बनेकी छन् ।

    त्यसैगरी भूमिव्यवस्थाबाट पद्मा अर्याललाई कृषि मन्त्रालयको जिम्मेवारी दिइएको छ भने सहरी विकास मन्त्री कृष्णगोपाल श्रेष्ठ शिक्षा मन्त्री भएका छन् ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...