News Portal

  • प्रधानमन्त्री र राष्ट्रपतिको कदम विरुद्ध नागरिक प्रतिरोधका कार्यक्रम सार्वजनिक

    भक्तपुरपोस्ट संवाददाता भक्तपुर, १० पुस
    ६८७ पटक
    भक्तपुर, १० पुस

    संविधानले चिन्दै नचिन्ने एक ‘आदेश’को भरमा प्रधानमन्त्री केपी शर्मा ओलीले प्रतिनिधि सभा विघटन गरेको र त्यसमा राष्ट्रपतिले अविवेकी लाहाछाप लगाएको भन्दै नागरिक प्रतिरोध हुने भएको छ । प्रधानमन्त्री र राष्ट्रपतिको कदम प्रतिगामी भएको र यसले आम जनसाधरणको मनमा गहिरो चोट परेको निष्कर्ष सहित प्रतिरोधका कार्यक्रम सार्वजनिक गरिएको हो ।

    वृहत् नागरिक आन्दोलनले संघर्षका कार्यक्रम सार्वजनिक गर्दै आम नागरिकलाई संघर्षमा सहभागी बन्न आह्वान समेत गरेको छ । एक विज्ञप्तीमार्फत प्रतिनिधि सभा विघटन गर्ने कदमको यसअघि नै भत्सर्ना गरिसकेको वृहत् नागरिक आन्दोलनका संयोजक युग पाठकले प्रधानमन्त्रीको कदम सामान्य राजनीतिक दाउपेच मात्र नभई प्रष्ट हुनेगरी प्रतिगमनको रोडम्याप सामुन्ने आएको बताए ।

    प्रतिगमनको ठूलो कदमले दैलैमा टेकेपछि हालसम्म प्राप्त उपलब्धि नै गुमेर मुलुक अँध्यारो सुरुङमा प्रवेश गर्न लागेको विषयमा चासो र चिन्ता हुनु स्वाभाविक ठहर गर्दै प्रतिगमनबाट मुलुकलाई जोगाउँदै थप उपलब्धि प्राप्त गर्न सडकमै उत्रनु सबै नागरिकको कर्तव्य भएको उनको भनाइ छ । संयोजक पाठकका अनुसार प्रतिगमनको सशक्त प्रतिरोध गर्न निम्न संघर्षका कार्यक्रम घोषणा गरिएको छ ः
    क. संघर्षका कार्यक्रम ः
    १. पौष ११ गते शनिबार ः शंख एपिसोडसहित कोणसभा
    २. पौष १३ गते सोमबार ः डम्फु एपिसोडसहित कोणसभा
    ३. पौष १५ गते बुधबार ः धिमे एपिसोडसहित कोणसभा
    ४. पौष १७ गते शुक्रबार ः च्याब्रुङ एपिसोडसहित कोणसभा
    ५. पौष १८ गते शनिबार ः सडक नाटकसहित वृहत्नागरिक सभा
    संघर्षका सबै कार्यक्रममा कविता, संगीत लगायतका कलात्मक प्रस्तुति हुनेछन् ।
    ख. ब्यानर
    १. मूल ब्यानर ः प्रतिगमन विरुद्ध वृहत्नागरिक आन्दोलन ।
    ग. समय र स्थान
    १. स्थान ः माइतिघर समय ः हरेक दिन दिउँसो २ बजे ।

    प्रतिकृया दिनुहोस्

    प्रेस सेन्टर काभ्रेमा नयाँ नेतृत्व

    काभ्रे । प्रेस सेन्टर नेपालको काभ्रेपलाञ्चोक जिल्ला शाखामा नयाँ नेतृत्व चयन भएको छ । बनेपामा...

    स्पीच कम्पिटिसन आयोजना गर्दै लियो क्लब अफ काठमाडौं सौहार्द

    काठमाडौं, १ माघ,  २०८१ । लियो क्लब अफ काठमाडौं सौहार्दले ‘आवाज मञ्च’ नामक स्पीच कम्पिटिसन...

    उपभोक्ता हित नहेर्ने भाट्भटेनी स्टोर्सलाई जरिवाना

    ललितपुर, । संयुक्त जिल्ला बजार अनुगमन समिति ललितपुरले चापागाउँदोबाटोस्थित भाटभटेनीलाई दस हजार जरिवाना गरेको छ।...

    अक्सफोर्ड प्राक्टिकल स्कूलको विन्टर क्याम्प सम्पन्न

    अक्सफोर्ड प्राक्टिकल स्कूलले निकै प्रतिक्षित विन्टर क्याम्प २०८१ पुस २६ र २७ गते बन जंगल...

    सानोठिमी क्याम्पस प्रमुखमा उप प्राध्यापक डा. माधवकुमार श्रेष्ठ नियुक्त

    सानोठिमी क्याम्पसका उप प्राध्यापक डा. माधवकुमार श्रेष्ठले क्याम्पस प्रमुखको जिम्मेवारी पाएका छन् । देशभर दुई...