भक्तपुर, १० माघनेपाल मजदुर किसान पार्टीको ४७औं स्थापना दिवस तथा नेमकिपा बाँकेको प्रथम जिल्ला परिषद सम्पन्न भएको छ । नेमकिपाका केन्द्रीय सदस्य सुनिल प्रजापतिको प्रमुख आतिथ्यतामा परिषद शनिवार सम्पन्न भएको हो ।
नेमकिपाका बाके जिल्ला अध्यक्ष बखत थापाको अध्यक्षताम सम्पन्न परिषद बैठकमा प्रमुख अतिथि प्रजापतीले समसामयिक राजनितिक विषय, पार्टीको विधान र कार्यकर्तामा अनुशासन सम्बन्धी प्रशिक्षण दिएका नेता डिल्लीबहादुर पुनले बताए ।
प्रजापतिले संसदबाट समाजवाद आउँछ भन्नु संसोधनवादी सिद्धान्त भएको बताउदै नेमकिपाले स्थापनाकालदेखि नैतिकता र सिद्धान्तको राजनीति गरिरहेको स्पष्ट पारे । सक्षम र योग्य व्यक्तिलाई देशको नेतृत्व तहमा पु¥याउनुपर्नेमा जोड दिदै उनले आर्थिक प्रलोभनमा नपरी इमान्दार व्यक्तिलाई निर्वाचित गराउन जनतालाई प्रेरित गर्नुपर्ने आवश्यकता औल्याएका थिए । नेमकिपाले आफ्नो घोषणापत्रलाई अक्षरस पालना गर्दै अघि बढ्ने पार्टी भएको उनको भनाइ छ ।
उक्त कार्यक्रममा स्वागत मन्तब्य गौरिकान्ता आचार्याले गरेकी थिइन् भने रोशन मैयाँ सुवाल, राजेन्द्र चवाल लगायतले पनि आफ्नो मन्तब्य राखेका थिए ।
विभिन्न जनबर्गिय संगठन लगायत पार्टीको नगर तथा गाउन्पलिकाहरुको राजनितिक र आर्थिक प्रतिबेदन पेश भए पश्चात् ४ जना जिल्ला सदस्य तथा ३ जना बैकल्पिक जिल्ला सदस्य मनोनयन गरेपछि परिषद समापन भएको नेता डिल्ली बहादुर पुनले जनाएका छन् ।
