भक्तपुर, १२ माघशान्तिपूर्ण नागरिक आन्दोलनमा प्रहरीले हस्तक्षेप गरेपछि अगुवाहरु थप आन्दोलित बनेका छन् । साहित्यकार एवं पूर्व सम्पादक वरिष्ठ पत्रकार नारायण वाग्लेले देशमा तेस्रो जनआन्दोलन सुरु भएको बताएका छन् ।
प्रतिनिधिसभा विघटनको विरुद्ध नागरिक आन्दोलनमा प्रहरीले ब्यापक दमन गरेपछि उनले तेस्रो जनआन्दोलन सुरु भएको बताएका हुन् । ‘हामीले शान्तिपूर्ण आन्दोलन गरिरहेका थियौं । बिना सूचना सरकारले बर्बर दमन गर्यो । अब तेस्रो जनआन्दोलन सुरु भयो ।” उनले भने ।
बालुवाटार मार्च पासमा प्रहरीले हस्तक्षेप गर्दा केही अगुवाहरु घाइते समेत भएका छन् ।प्रहरी घेरा तोडेर अगाडि बढ्न खोजेपछि प्रहरीले लाठीचार्ज गर्नुका साथै पानीको पोहोरा हानेको छ ।कमलपोखरीको माटो लगाएर सुरु भएको र्याली हात्तीसार, नागपोखरी, नक्साल हुँदै भाटभटेनीबाट बालुवाटारतर्फ बढ्ने क्रममा सुरक्षा घेरा तोडेर अघि बढ्ने क्रममा प्रहरीले लाठीचार्ज गरेको हो ।
लाठीचार्ज र पानीको फोहोरा प्रहारबाट नारायण वाग्ले, मोहना अन्सारी, अरुणदेव जोशी, निर्घ नवीन, संघर्ष दाहाल, स्वर्णिम दिनेश लगायत दर्जनौँ अभियन्ता घाइते भएको बताइएको छ । अभियन्ता वाग्लेले प्रदर्शनका क्रममा घाइते भएकाहरुको उपचार आफूहरुले नै गर्ने बताए । ‘आन्दोलनमा घाइते भएकाहरुको उपचार हामी आफैं गर्ने छौं,’ सरकारको लालच हामीलाई चाहिँदैन । उनले भने ।’
