भक्तपुर, १२ माघमहानगरीय अपराध महाशाखाले घर पुर्याई दिने भनी मोटरसाइकलमा राखी अपहरण तथा बलात्कार गरेर फरार अभियुक्तलाइ पक्राउ गरेको जनाएको छ।
पक्राउ पर्नेमा सिन्धुपाल्चोक जुगल गा.पा.-४ गुन्टे गाउ का २४ वर्ष कैलाश भन्ने रोहन नेपाली रहेका छन् । एक महिलालाई चौतारा घर पुर्याई दिने भनी मोटरसाइकलमा राखी लिएर गएकोमा घर तर्फ नलगी अपहरण तथा शरीर बन्धक गरी सिन्धुपाल्चोक जुगल गा.पा.-४ स्थित मान्जे भन्ने ठाँउमा लगी जवर्जस्ती करणी गरेको प्रहरी अनुसन्धानमा खुलेको बताइएको छ ।
सिन्धुपाल्चोक जुगल गा.पा.-४ गुन्टे गाउ का २४ वर्ष कैलाश भन्ने रोहन नेपाली र साथमा अन्य सँग मिलेर जबरजस्ती करणी गरी महिलाले लगाएको गरगहना समेत लुटपाट एवं डाँका समेत गरेको प्रहरीले गरेको अनुसन्धानले खुलेको अपराध महाशाखाले जनाएको हो ।
घटना पछि फरार रहदै आएका नेपालीलाई काठमाण्डौको कलंकीबाट पक्राउ गरी आवश्यक कारवाहीको लागी जिल्ला प्रहरी कार्यालय सिन्धुपाल्चोक पठाईएको प्रहरीको भनाइ छ ।