News Portal

  • विशाल जनसागरलाई सम्बोधन गर्दे प्रचण्डले भने- ‘जनता नै हाम्रा भगवान’

    भक्तपुरपोस्ट संवाददाता
    ६४१ पटक

    काठमाडौं । नेकपा अध्यक्ष पुष्पकमल दाहालले आफूहरुका लागि जनता नै भगवान भएको बताएका छन् । प्रतिनिधिसभा विघटनको विरोधमा काठमाडौंमा बुधबार आयोजित विरोधसभामा सम्बोधन गर्दै दाहालले प्रधानमन्त्री केपी ओली भगवानको शरणमा गए पनि आफूहरुका लागि जनता नै भगवान् भएको दाबी गरे । तर, ओली अझै पनि सच्चिने भन्दा मुर्खता गर्ने पक्षमा रहेको दाहालको भनाइ छ ।

    ‘केपीजी तपाईं भ्रममा कतिदिन बाँच्‍ने हो ? तपाईंलाई म सल्लाह दिन चाहन्छु । तपाईंले साह्रै ठूलो अपराध गर्नुभयो । राष्ट्रका विरुद्ध, जनताका विरुद्ध । तपाईंले अलिकति आफूलाई ठाउँ राख्ने हो तुरुन्तै राजीनामा दिनुस्, पश्चाताप गरेर वक्तव्य निकाल्नुस्,’ उनले भने, ‘तपाईंलाई अलिकति ठाउँ नेपाली जनताले दिन सक्छन् । तपाईं अझै मूर्खता गर्नेमा हुनुहुन्छ । तपाईं अझै निरंकुशतातिर जानेमा हुनुहुन्छ । तपाईं आजकल जनताको शरणमा भन्दा भगवानको शरणमा जानु भएको छ ।’

    जनता नै भगवान् भएको भन्दै दाहालले जनताको धार्मिक आस्थाप्रति आफूहरुको पनि सम्मान रहेको बताए । ‘नेपाली जनता हाम्रा भगवान हुन् । हामी तपाईंहरु जनताको शरणमा छौं । जनताको धार्मिक आस्थाप्रति हाम्रो सम्मान छ । सबै धर्म, सम्प्रदाय र त्यसमा आस्था राख्ने जनताप्रति हाम्रो सम्मान छ,’ दाहालले भने ।

    ‘केपी ओलीले नहुने चुनाव घोषणा गरेको भन्दै दाहालले भ्रममा नपर्न अन्य दललाई पनि आग्रह गरे । केपी ओलीले घोषणा गरेको चुनाव हुनेवाला होइन । कोही भ्रममा नपरौं,’ उनले भने, ‘लोकतान्त्रिक आन्दोलनको छवि बनाएको नेपाली कांग्रेस, संघीय लोकतान्त्रिक गणतन्त्रको छवि बनाएको जनता समाजवादी लगायतका पार्टीहरु कुनै भ्रममा पर्न आवश्यक छैन ।’

    लोकतन्त्र र संघीय गणतन्त्र खतरामा छैन भन्ने पुष्टि गर्न अहिले कांग्रेसलाई अवसर भएको दाहालले बताए । ‘देशमा लोकतन्त्र अब खतरामा छैन भन्ने पुष्टि गर्ने अवसर कांग्रेसलाई हो । कांग्रेसका कार्यकर्तालाई म अपील गर्न चाहन्छु । यो अवसर गुम्न नदिनुस् । हामी तपाईंहरुसँग हातेमालो गर्न तयार छौं,’ दाहालले भने ।

    नेपालमा लोकतन्त्रको हत्या हुन लाग्दा लोकतन्त्रको पक्षमा रहेका अन्तर्राष्ट्रियस्तरबाट पनि समर्थन चाहेको दाहालले बताए । ‘सबै अन्तर्राष्ट्रिय देशहरु खासगरी छिमेकी देश जो लोकतन्त्रको पक्षमा छन् । नेपालमा लोकतन्त्रको हत्या भइराखेको छ,’ उनले भने, ‘यो बेला संसारभरका लोकतान्त्रिक मूल्य मान्यतालाई समर्थन गर्नेहरुबाट सहयोग र सद्भाव चाहेका छौं । दायाँबायाँ हुने छैन भन्ने भरोसामा छौं ।’

    संवैधानिक निकायहरुले डर धाक धम्की नहेरुन्, स्वतन्त्र ढंगले काम गरुन भन्ने चाहेको उनले बताए । प्रचण्डले प्रधानमन्त्री ओलीलाई पनि अर्को पटक फेरि १० लाख जनता लिएर बालुवाटार र सिंहरदबार घेर्न आउन नपरोस् भनेर चेतावनी दिएका छन् ।

    आफूले बोल्दा अदालतको अवहेलना भएको पनि भन्ने गरेको भन्दै प्रचण्डले भने, ‘मैले कहिल्यै अपमान गरेको छैन । अदालतप्रति भरोसा छ, छिटो गरिदेऊ भनेको छु । गर्ने त्यही हो, छिटो गर । निर्वाचन आयोग खुट्टा नकामाऊ, काइते कुराको पछि नलाग ।’

     

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...