भक्तपुरपोस्ट संवाददाता भक्तपुर ४ चैत
भक्तपुर ४ चैतनेपाल पत्रकार महासंघको निर्वाचन २०७७ चैत २५ गते हुने भएको छ । महासंघका उपलब्ध सदस्यहरु सम्मिलित केन्द्रीय समितिको बैठकले जिल्ला, प्रदेश, केन्द्र, प्रतिष्ठान र एशोसियट संरचनाको निर्वाचन तीन हप्तापछि एकै दिन गर्ने निर्णय गरेको हो ।
महासंघको संशोधित विधानानुसार केन्द्रीय साधारणसभा गत फागुन ४ र ५ गते सम्पन्न भइसकेको छ ।
बुधबार बसेको महासंघ बैठकले चैत ७ गते तालिका सार्वजनिक गर्ने र चैत २५ गते निर्वाचन गर्ने निर्णय गरेको बताइएको छ ।
महासंघले पहिलोपटक प्रत्यक्ष निर्वाचन प्रणालीमार्फत् केन्द्रीय नेतृत्व चयन गर्न लागेको हो।