भक्तपुर ,१७ चैत“हामीले हाम्रो चौकी, संगठन र उद्देश्य छोड्नु हुँदैन अन्तिम दम सम्म लड्नुपर्छ ।” उक्तविचार नेमकिपा केन्द्रीय अध्यक्ष नारायणमान बिजुछें रोहितलेले नेक्राविसंघ केन्द्रीय समितिको आयोजनामा सम्पन्न प्रशिक्षण कार्यक्रममा राखेको विचार हो । एमालेमा गञ्जागोल आउनुको कारण स्कूलिङ गलत भएको उनको भनाइ छ । त्यस कारण झूठ बोलेर संगठन गर्नु राजनीतिक बेइमानी मात्र भएको अध्यक्ष रोहितले बताए ।
पार्टी कार्यकर्ताहरुको पहिलो प्राथमिकता पार्टी, जनता र देश भएको भन्दै पद र पैसाका निम्ति स्वार्थ राख्नेहरु कम्युनिष्ट र समाजवादी कदापी हुन नसक्ने उनको जिकिर छ । “आत्मप्रशंसा र तारिफबाट हामी जोगिनु पर्छ, आलोचना र आत्मालोचना संगठनका प्राण हो ।” उनले प्रष्ट पारे । जागिर दिन्छु भनेर गुप्तचर र विरोधीहरुले फसाउने कारण आफ्नो उद्देश्यबाट विचलित नहून अध्ययनमा जोड दिनु आवश्यक रहेकोमा विजुक्छेले जोड दिएका छन् ।
“नेमकिपाका पार्टी कार्यकर्ताहरुलाई तारिफ गरेर र भाडेर विरोधीहरुले विगार्ने प्रयास गरेकोमा कार्यकर्ताहरु हर्दम सजक हुनुपर्छ , गाउँ गाउँका जाली फटाहा र शोषकहरु जिउँदै रहेकाले सक्रिय भएर लाग्न विद्यार्थीहरुलाई निर्देशन गर्दछु ।” अध्यक्ष रोहितले भने । शत्रुको बिचमा पनि पसेर लेनिनवादी सिद्धान्त अनुशार संगठित हुन र जनताको सेवागर्न पार्टी निर्देशन अनुसार काम गर्नुपर्नेमा उनको जोड थियो ।
नेपाली अधिकारी अयोग्य भएकोले हिन्दुस्तानसंगको सन्धीसम्झौतामा नेपाल हारेको भन्दै उनले राजनीतिमा लागेका विद्यार्थीहरुले विशिषज्ञता हाशिल गर्नुपर्ने र जुनसुकै क्षेत्रमा पनि निश्वार्थ रुपमा सेवा गर्नुपर्ने आवस्यकता औल्याए ।
प्रशिक्षणमा नेक्राविसंघका निवर्तमान अध्यक्ष सविन ख्याजूले अध्ययन र लेखन शैलिमा विकास गरि संगठनलाई चलायमान बनाउनु पर्ने बताए । सम्मेलन तयारी समितिका संयोजक प्रकाश गुरुङको सभापतित्वमा भएको कार्यक्रम सचिव रमेश प्रजापतिले सञ्चालन गरेका थिए ।