विद्यालय बन्द गर्न नहुने शिक्षामन्त्रीको सुझावका बाबजुद मन्त्रीपरिषदको बैठकले विद्यालयहरु बन्द गर्ने निर्णय गरेको छ । कोभिड-१९ जोखिमका कारण उक्त निर्णय गरिएको हो ।

निर्णय अनुसार देशैभरका विद्यालय भने बन्द हुनेछैनन । शहरी क्षेत्रका जोखिम बढी भएका विद्यालयका लागि मात्र सो निर्णय लागू हुने भएको छ । शहरी क्षेत्रका बढी जोखिमयुक्त ब्यवसाय समेत बन्द गर्ने निर्णय भएको बताइएको छ । सिनेमा हल, स्वीमिङ पुल,जिमखाना, रात्रिकालीन क्लब लगायत भिड हुने ब्यवसाय बन्द गर्ने निर्णय भएको सहभागी एक मन्त्रीले बताए । बैशाख मसान्तसम्म बन्द गर्ने निर्णय भएको बताइएको छ ।  यसको औपचारिक सूचना भने भएको छैन ।

बन्द हुने शहरी क्षेत्र भन्नाले भक्तपुर, काठमाडौ, ललितपुरका साथै चितवन, कास्की, मोरङ, दाङ, सुर्खेत, बाग्लुङ  तराईका मूूूख्य शहर परेका छन् ।