भक्तपुर,१ जेठ २०७८ आज अन्तराष्ट्रिय परिवार दिवस, परिवारको स्वास्थ हेरविचार तथा परिवारको एकताको महत्वका साथ हरेक वर्ष मे १५ को दिन यो दिवस विश्वव्यापी रुपमा मनाइन्छ ।
संयुक्त राष्ट्रसंघले सन् १९९४ लाई परिवार वर्षको रुपमा घोषणा गरे यता विश्वभर परिवार, व्यक्ति, समाज र संस्कृतिको महत्व दर्शाउन संयुक्त राष्ट्रसंघले शुरु गरेको अभियानलाई विश्वव्यापीरुपमा मनाउने गरिएको छ । सन् १९९५ देखि भने हरेक वष यो दिवस मनाउने गरिएको छ ।
विश्वका धेरै क्षेत्रमा परिवारको संरचना र स्थायित्वमा प्रभाव पार्दै आएको सामाजिक, आर्थिक संरचनामा परिवर्तन गर्ने उत्तरदायित्व स्वरुप परिवार दिवस मनाउने गरिएको हो ।
सन् २०१५ सेप्टेम्बर २५ तारिखका दिन संयुक्त राष्ट्र संघका १९३ सदस्य राष्ट्रहरुको सर्वसम्मतिले दिगो विकास लक्ष्य (एसडीजी) लाई अपनाएर जसमा गरिवी ,भेदभाव , दुरुप्रयोग र रोकथामकारी मुत्युलाई अन्त्य गर्ने तथा बातावरणीय विनाशलाई सम्बोधन गर्नका लागि १७ बुंदाको मार्गनिर्देशन पारित गरेको थियो ।
यो वर्ष कोरोना भाइरसको कारण विश्व नै भाइरसको शिकार भएकोले विश्व परिवार दिवस दिवसका गतिविधिहरु बन्द गरेको छ । यो समय परिवार संगै रहने भएकोले पनि परिवार प्रति माया सद्भावका साथ कोरोना भाइरससंग लड्न सक्ने सामर्थ्य प्राप्त होस् ।