News Portal

  • ‘पावरफूल’ दावी गर्ने निरीह शिक्षा मन्त्री श्रेष्ठ : एसईईको मोडालिटी तयार गर्न पनि असक्षम

    भक्तपुरपोस्ट संवाददाता भक्तपुर, १७ जेठ २०७८
    १११६ पटक
    भक्तपुर, १७ जेठ २०७८

    आफूलाई ‘पावरफूल एजुकेशन मिनिस्टर’ दावी गर्ने शिक्षा तथा विज्ञान प्रविधि मन्त्री कृष्णगोपाल श्रेष्ठ निरीह बनेका छन् । माध्यमिक शिक्षा उतीर्ण परीक्षा (एसईई) संचालनमा योग्यता नपुगेपछि उनी निरीह बनेका हुन ।

    कोरोना महामारीका कारण रोकिएको एसईई परीक्षा वैकल्पिक विधिबाट गराउने या नगराउने भन्ने निर्णय समेत गर्न नसकेपछि उनको योग्यतामा प्रश्नचिन्ह लागेको छ । प्रधानमन्त्री केपी ओली नेतृत्वको सरकार बचाउनका लागि पूरै तागतले बिबादित अभिव्यक्ति दिनसक्ने मन्त्री श्रेष्ठको विभागीय कामको योग्यता भने जिरो देखिएको छ ।

    एसईई परीक्षा कसरी सञ्चालन गर्ने भन्नेमा शिक्षा, विज्ञान तथा प्रविधि मन्त्रालय अन्तर्गतका सचिव, सहसचिव, उपसचिवलगायत सम्वद्ध कर्मचारी राखेर पनि निर्णयमा पुग्न नसकेपछि मन्त्री श्रेष्ठले सो निर्णयको जिम्मा मन्त्रीपरिषदमा पुर्याएका श्रोतले जनाएको छ । वैकल्पिक विधिबाट एसईई परीक्षा गराउने जिम्मा मन्त्रालयले मन्त्रिपरिषद्लाई सुम्पिन लागेको श्रोतको दावी छ ।

    शिक्षामन्त्रीको यस्तो तयारीले उनको विभागीय वौद्धिक क्षमता नभएको पुष्टि भएको छ । अघिल्लो वर्षको मोडालिटीमा स्कूलले गरेको मूल्यांकनको आधारमा राष्ट्रिय परीक्षा बोर्डले परीक्षाफल प्रकाशन गरेको थियो ।

    यो वर्ष जेठ १३ गतेदेखि एसईई परीक्षा हुने कार्यतालिका रहेपनि कोरोना महामारीका कारण स्थगित छ । परीक्षामा सामेल हुन ५ लाख १७ हजार विद्यार्थीले परीक्षा फारम भरेका छन् ।

    अपडेट : यस वर्ष पनि माध्यमिक शिक्षा परीक्षा (एसईई) विद्यालयको आन्तरिक मूल्याङ्कनबाटै हुने भएको छ । साथै कक्षा १२ को परीक्षा पनि वैकल्पिक विधिको माध्यमबाट हुनेछ ।

    सरकारले गतवर्ष जस्तै यस वर्षको एसईई परीक्षाको नतिजा पनि आन्तरिक मूल्यांकनबाट गर्ने निर्णय गरेको हो ।

    शिक्षा, विज्ञान तथा प्रविधि मन्त्री कृष्ण गोपाल श्रेष्ठले निर्णय गर्न नसकी सो विषय मन्त्री परिषदमा लगेपछि सोमबार राति बसेको मन्त्रिपरिषद्को बैठकले एसईई परीक्षाको नतिजा आन्तरिक मूल्यांकन विधि अनुसार गर्ने निर्णय गरेको हो ।

    एसईईको परिक्षा वैकल्पिक विधिबाट गर्ने व्यवस्था मिलाउने व्यवस्था गर्न भन्दै राष्ट्रिय परिक्षा बोर्डले आइतबार नै शिक्षा, विज्ञान तथा प्रविधि मन्त्रालयलाई प्रस्ताव गरेको थियो । शिक्षामन्त्री श्रेष्ठले उक्त मोडालिटी मन्त्रिपरिषद्मा लगेका हुन् ।

    कोरोना भाइरस सङ्क्रमण कायमै रहेको अवस्थाले गर्दा आन्तरिक मूल्याङ्कन बाट नै नतिजा प्रकाशन गर्न लागेको हो । कक्षा १२ को पनि बैकल्पिक विधिबाट मूल्याङ्कन विद्यालय तथा शिक्षकमा आधारित भएर नै मूल्याङ्कन गर्ने योजना रहेको जानकारी प्राप्त भएको छ ।

    यस प्रकारको निर्णयले गर्दा नयाँ शैक्षिक सत्रसमेत अगाडि बढ्न सहज हुने भएकाले एसईई र कक्षा १२ दुवैको परिक्षा हुन लागेको हो । एसईई विद्यालयमै जिम्मा दिने निर्णय मन्त्रिपरिषद्ले गरेको हो ।

    प्रतिकृया दिनुहोस्

    ओली प्रधानमन्त्री नियुक्त, सोमबार शपथ

    राष्ट्रपति रामचन्द्र पौडेलले नेकपा एमालेका अध्यक्ष केपी शर्मा ओलीलाई प्रधानमन्त्रीमा नियुक्त गरेका छन् । उनले...

    झरीले रोक्न सकेन ‘चाँगुनारायण सिटी एभोकाड़ो सिटी अभियान’ प्रतिको आकर्षण

    ‘चाँगुनारायण सिटी, एभोकाड़ो सिटी अभियान’ अन्तर्गत यो वर्ष पनि नि:शुल्क विरुवा वितरण कार्य भईरहेको छ...

    प्रधानमन्त्री प्रचण्डले पाएनन् संसदको विश्वास

    प्रधानमन्त्री पुष्पकमल दाहाल प्रचण्डले संसदको विश्वास गुमाएका छन् । प्रतिनिधि सभामा बहुमत सदस्यले उनलाई बिश्वासको...

    पटक पटक प्रधानमन्त्री बन्ने लालसाले राजनीतिक अस्थिरता : प्रेम सुवाल

    prem suwal rostram

    नेमकिपाका सचिव एवं प्रतिनिधि सभाका सदस्य प्रेम सुवालले शाशक दलका नेताहरुको पटक पटक प्रधानमन्त्री बन्ने...

    सर्लाहीबाट काठमाडौंतर्फ आउँदै गरेको विङ्गर दुर्घटना हुँदा ११ घाईते

    सिन्धुली । सिन्धुली जिल्लाको गोलान्जोर गाउँपालिका–७ स्थित मरीन डाईभर्सन ईलाकामा सर्लाहीबाट काठमाडौंतर्फ आउँदै गरेको विङ्गर...