News Portal

  • जसपा फुटाएर १७ सदस्यीय मन्त्रिपरिषद गठन

    भक्तपुरपोस्ट संवाददाता भक्तपुर, २१ जेठ २०७८
    ५४५ पटक
    भक्तपुर, २१ जेठ २०७८

    प्रधानमन्त्री केपी शर्मा ओलीले मन्त्रिपरिषद् पुनर्गठन गरेका छन् । सरकार कामचलाउ भए पनि ओलीले आफ्ना नजिकका ९ मन्त्रीलाई हटाएर भए पनि जनता समाजवादी पार्टीका महन्थ ठाकुर पक्षलाई समेटेर मन्त्रीपरिषद पुनर्गठन गरेका हुन् । यससँगै कामचलाउ सरकारको मन्त्रिपरिषद १७ सदस्यीय भएको छ ।

    ओलीले नयाँ मन्त्रिपरिषदमा तीन जनालाई उपप्रधानमन्त्री बनाएका छन् । तीन जना उपप्रधानमन्त्रीमा आफ्नै पार्टीका दुई जना नेता र एक जना जसपाबाट राजेन्द्र महतो रहेका छन् । ओलीले अर्थमन्त्री विष्णु पौडेललाई उपप्रधानमन्त्रीमा बढुवा गरेका छन् भने एमालेका नेता रघुवीर महासेठलाई पनि उपप्रधानमन्त्री बनाएका छन् । उपप्रधानमन्त्री महासेठलाई परराष्ट्र र महतोलाई शहरी विकास मन्त्रालयको जिम्मेवारी ओलीले दिएका छन् ।

    नयाँ मन्त्रिमण्डलमा जसपाबाट उपप्रधानमन्त्री महतोसहित ८ मन्त्री र दुई राज्यमन्त्री छन् । शरदसिंह भण्डारी उर्जा, जलस्रोत तथा सिंचाइ मन्त्री बन्दा अनिलकुमार झाले खानेपानी र लक्ष्मणलाल कर्णले भूमि व्यवस्था, सहकारी तथा गरीबी निवारण मन्त्रालयको जिम्मेवारी पाएका छन् ।

    यस्तै विमल श्रीवास्तव श्रम, रोजगार तथा सामाजिक सुरक्षा र उमाशंकर अरगरिया संस्कृति, पर्यटन तथा नागरिक उड्डयनमन्त्री बन्दा चन्दा चौधरीलाई महिला, बालबालिका तथा ज्येष्ठ नागरिक र एकवाल मियालाई युवा तथा खेलकुद मन्त्रालयको जिम्मेवारी दिइएको छ ।

    सत्तारुढ एमालेबाट शेरबहादुर तामाङ स्वास्थ्य तथा जनसंख्या मन्त्री नियुक्त भएका छन् । जसपाबाट चन्द्रकान्त चौधरी उर्जा र रेनुका गुरुङ महिला बालबालिका राज्यमन्त्री नियुक्त भएकी छन् ।

    मन्त्रिपरिषदबाट एमाले महासचिव ईश्वर पोखरेलसहित ९ मन्त्री र तीन राज्यमन्त्री बाहिरिएका छन् । बाहिरिने अन्य मन्त्रीहरुमा परराष्ट्रमन्त्री प्रदीप ज्ञवाली, स्वास्थ्य तथा जनसंख्यामन्त्री हृदयेश त्रिपाठी, संस्कृति पर्यटन तथा नागरिकमन्त्री भानुभक्त ढकाल, कृषि तथा पशुपक्षी विकासमन्त्री पद्‍माकुमारी अर्याल, सञ्चारमन्त्री पार्वत गुरुङ र भूमि व्यवस्था, सहकारी तथा गरीबी निवारण मन्त्री डा. शिवमाया तुम्बाहाम्फे, संघीय मामिला तथा सामान्य प्रशासनमन्त्री गणेश ठगुन्ना, वन तथा वातावरणमन्त्री प्रेमबहादुर आले र महिला बालबालिका तथा ज्येष्ठ नागरिकमन्त्री जुलीकुमारी महतो रहेका छन् ।

    त्यस्तै स्वास्थ्य राज्यमन्त्री नवराज राउत, शहरी विकास राज्यमन्त्री रामवीर मानन्धर र उद्योग राज्यमन्त्री विमला विक पनि सरकारबाट विदा भएका छन् ।

    ओलीले मौजुदा मन्त्रिपरिषद्का चार मन्त्रीलाई भने कायमै राखेका छन् । अर्थमन्त्री पौडेलसँगै भौतिक पूर्वाधारमन्त्री वसन्त नेम्वाङ, शिक्षामन्त्री कृष्णगोपाल श्रेष्ठ र कानूनमन्त्री लीलानाथ श्रेष्ठलाई भने निरन्तरता दिएका छन् ।

    प्रधानमन्त्री ओलीले गृह र रक्षा मन्त्रालयको जिम्मेवारी भने आफै सम्हालेका छन् । यसअघि सर्वोच्चको आदेशले गृहमन्त्री रामबहादुर थापा बादलसहित प्रचण्डको साथ छाडेर ओलीको पक्षमा लागेका मन्त्रीहरु पद मुक्त भएका थिए ।

    मन्त्रिपरिषद् तथा कार्य विभाजन
    प्रधानमन्त्री केपी शर्मा ओली – उद्योग वाणिज्य तथा आपूर्ति, कृषि तथा पशुपन्छी विकास, गृह, रक्षा, वन, संघीय मामिला तथा सामान्य प्रशासन, सूचना तथा सञ्चार प्रविधि,
    विष्णुप्रसाद पौडेल – उपप्रधानमन्त्री, अर्थ
    रघुवीर महासेठ – उपप्रधानमन्त्री, परराष्ट्र
    राजेन्द्र महतो –उपप्रधानमन्त्री, शहरी विकास
    शरतसिंह भण्डारी – मन्त्री, ऊर्जा जलस्रोत तथा सिंचाइ
    कृष्णगोपाल श्रेष्ठ – मन्त्री, शिक्षा विज्ञान तथा प्रविधि
    अनिल झा – मन्त्री, खानेपानी तथा सरसफाइ
    शेरबहादुर तामाङ – मन्त्री, स्वास्थ्य तथा जनसङ्ख्या
    लक्ष्मणलाल कर्ण – मन्त्री, भूमि व्यवस्था, सहकारी तथा गरिबी निवारण
    बसन्तकुमार नेम्वाङ – मन्त्री, भौतिक पूर्वाधार तथा यातायात
    लीलानाथ श्रेष्ठ – मन्त्री, कानून न्याय तथा संसदीय मामिला
    विमल श्रीवास्तव – मन्त्री, श्रम तथा रोजगार तथा सामाजिक सुरक्षा
    उमाशंकर अरगरिया – मन्त्री, संस्कृति, पर्यटन तथा नागरिक उड्डयन
    चन्दा चौधरी – मन्त्री, महिला, बालबालिका तथा ज्येष्ठ नागरिक
    एकवाल मियाँ – मन्त्री, युवा तथा खेलकुद
    चन्द्रकान्त चौधरी – राज्यमन्त्री, ऊर्जा, जलस्रोत तथा सिंचाइ
    रेणुका गुरुङ – राज्यमन्त्री, महिला, बालबालिका तथा ज्येष्ठ नागरिक

    तस्विर : गोरखापत्र

    प्रतिकृया दिनुहोस्

    भक्तपुर अस्पतालमा करार सेवाको जागिरका लागि ३ दर्जन बढी डाक्टरको आवेदन

    भक्तपुर अस्पतालमा करार सेवाको जागिरका लागि ३ दर्जन बढी डाक्टरले आवेदन दिएका छन् । पदपूर्तीका...

    पत्रकार थापालाई पितृशोक

    नेपाल पत्रकार महासंघ भक्तपुरकी पूर्व उपाध्यक्ष एवं गोरखापत्र दैनिककी फोटो पत्रकार कविता थापालाई पितृशोक परेको...

    महाजात्राले कमायो २६ करोड ६५ लाख

    mahajatra safalta ghimire

    काठमाडौँ । ‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको तेस्रो भाग ‘महाजात्रा’ प्रदर्शनको...

    क्यानडामा विदेशी विद्यार्थीलाई घर जग्गा किन्न प्रतिबन्ध

    विदेशीलाई क्यानडामा २ वर्षसम्म जग्गा किन्न प्रतिबन्ध लगाइएको छ । समाचार अनुसार यसअघि जनवरी १,...

    आज पनि भिटामिन ‘ए’ खुवाइँदै

    के तपाईले आफ्नो ५ वर्ष मुनिका बच्चालाई ‘भिटामिन ए’ क्याप्सुल ख्वाउनुभयो ? ६ महिनादेखि ५...