भक्तपुर, २ असार २०७८सिन्धुपाल्चोकको हेलम्बुमा बाढीले बगाएर सम्पर्कविहीन ७ जनाको पहिचान खुलेको छ । इन्द्रावती नदीमा आएको बाढीले बगाएर सम्पर्कविहीन भएका ७ को पहिचान खुलेको हो ।
सम्पर्कविहीन हुनेमा हेलम्बु–२ का ३१ वर्षीय माधव भण्डारी र वर्ष ४२ का गणेश ज्योती, हेलम्बु–३ का ६६ वर्षीया टिकामाया खड्का, हेलम्बु–७ का ५५ वर्षीय ज्ञानेन्द्र कक्षपति हेलम्बु–६ का ५० वर्षीय च्याङ्बा तामाङ तथा नाम खुल्न नसकेको उनको श्रीमती र साँगाचोकगढी–६ का वर्ष २३ को सुरेन्द्र नेपाल रहेका प्रहरीले जनाएको छ ।
मंगलबार साँझबाट आएको बाढीले हेलम्बु र मेलम्ची क्षेत्रमा जनधनको क्षति भएको छ । पानीको सहत बढेपछि मानिसहरुलाई सुरक्षित क्षेत्रमा जान आह्वान गरिएको जिल्ला प्रशासन कार्यालय सिन्धुपाल्चोकले जनाएको छ ।
सभामुख अग्नि प्रसाद सापकोटा लगायत जनप्रतिनिधि र स्थानीय नेताहरु उद्धारमा सक्रिय भएका छन् । सेना, प्रहरी र स्थानीय स्वयम्सेवकहरू उद्धारमा खटिएका छन् ।