भक्तपुरपोस्ट संवाददाता भक्तपुर, ४ असार २०७८
भक्तपुर, ४ असार २०७८काभ्रेपलाञ्चोकमा आफ्नै श्रीमती र छोराको हत्या आरोपमा एक व्यक्ति पक्राउ परेका छन् । पक्राउ पर्ने व्यक्ति बनेपा डेरा गरी बस्ने पाँचखाल–६ का ३३ वर्षीय माधव घिमिरे रहेको प्रहरीले जनाएको छ ।
बनेपाको तीनदोबाटोमा पसल गर्दै आएका घिमिरेमाथि ३० वर्षीया श्रीमती र छ वर्षीया छोरालाई गएराति विष खुवाई हत्या गरेको आरोप छ ।
भाग्दै गरेको अवस्थामा घिमिरेलाई प्रहरीले पक्राउ गरेको हो । घिमिरेले श्रीमती र छोरालाई नाम नखुलेको विषादी सेवन गराएर डेरा गरी बस्ने कोठाको बाहिरबाट ताल्चा लगाएर हिडेका बताइएको छ । घटनाको थप अनुसन्धान भैरहेको प्रहरीको भनाइ छ ।