विश्वब्यापी महामारीको रुपमा रहेको कोभिड १९ को दोस्रो लहरका कारण जारी लामो समय सम्मको निषेधाज्ञा (बन्दाबन्दी) बाट प्रभावित भक्तपुरका बिपन्न परिवारलाई राहत बाडिएको छ । युनिटी युवा क्लब पान्डोबजारको सकृयतामा Tibetine Et Pepules de I Himalaya( TPH) फ्रान्सको सहयोगमा शनिवार बिपन्न परिवारलाई राहत बाडिएको हो ।

भक्तपुरको सूर्यविनायक ६ मा रहेका अति बिपन्न ४० घर परिवारलाई राहत बितरण गरिएको क्लबका अध्यक्ष पुनम चन्द्र गिरीले बताए । अति बिपन्न मजदुर परिवारलाई लक्षित गरी प्रति परिवार एक बोरा चामल(३०किलो), दाल २ किलो, नुन २ पाकेट, तेल २ लिटर लगायत अत्यावश्यक खाद्यान्न सामाग्री बितरण गरिएको TPH फ्रान्ससंग समन्वय गरी सहयोग जुटाउन पहल लिएका युनिटी युवा क्लबका सदस्य रवि दास दोङले जानकारी गराएका छन् ।

क्लबले खेलकुदका साथै बिकृती बिसंगती हटाउने जनचेतना मुलक कार्यक्रमहरु निरन्तर गर्दै आइरहेको र पछिल्लो समय माहामारी र प्राकृतिक प्रकोपमा समेत सहयोगी हात अघि बढाइरहेको सचिब कविन दोङले दावी गरेका छन् । युवाहरु एक भएर समाजको समस्या समाधानमा लागीरहेको उनले बताए ।

युनिटी युवा क्लवको कार्य प्रशंसनीय रहेको वाइसिएल भक्तपुरका अध्यक्ष समेत रहेका स्थानीय युवा नेता नरेश वाइवाले बताए । युवाहरुले आफ्नो बारेमा मात्र नभई समस्यामा परेका समुदायप्रति सेवाभाब राखी सहयोग गर्नु अनुकरणीय कार्य भएको उनको भनाइ छ ।