News Portal

  • क्रियाशील सदस्यता छानविन समितिका सदस्य घिमिरेमाथि हातपात गर्नेलाई कारबाहीको निर्देशन

    भक्तपुरपोस्ट संवाददाता भक्तपुर, २ साउन
    ७५९ पटक
    भक्तपुर, २ साउन

    प्रधानमन्त्री समेत रहेका नेपाली काँग्रेसका सभापति शेरबहादुर देउवाले केन्द्रीय सदस्य तथा छानबिन समितिका सदस्य श्याम घिमिरेमाथि आक्रमण गर्नेलाई अनुशासनको कारबाही गर्न निर्देशन दिएका छन् । उनी माथि भएको हातपातमा २४ घण्टाभित्र स्पष्टीकरण लिन र अनुशासनको कारवाही गर्न देउवाले निर्देशन दिएका हुन् ।

    बालुवाटारमा शनिवार बसेको नेपाली काँग्रेस केन्द्रीय पदाधिकारी बैठकमा सभापति देउवाले उक्त निर्देशन दिएका मुख्य सचिव कृष्णप्रसाद पौडेलले जनाएका छन् ।‘केन्द्रीय सदस्य श्यामकुमार घिमिरेमाथि भएको आक्रमणका सम्बन्धमा सिन्धुपाल्चोक क्षेत्र नम्बर १ का सभापति बालकृष्ण बस्नेत समेतका व्यक्तिहरूसँग २४ घण्टा भित्र स्पष्टीकरण लिई पार्टी विधान बमोजिम ३ दिनभित्र कारबाहीको टुङ्गो लगाउन पार्टी अनुशासन समितिलाई सभापतिले निर्देशन दिनुभएको छ,’ मुख्य सचिव कृष्णप्रसाद पौडेलद्वारा जारी विज्ञप्तिमा उल्लेख गरिएको छ ।

    क्रियाशील सदस्य छानबिन समितिका सदस्य घिमिरेमाथि पूर्व मन्त्री समेत रहेका नेपाली काँग्रेसका केन्द्रीय सदस्य मोहन बस्नेत समूहका नेताहरुले हातपात गरेका थिए । नेपाली काँग्रेसको क्रियाशील सदस्यबारे चलिरहेको छानबिनमा सिन्धुपाल्चोकको बिबाद समाधान हुन नसकेपछि मोहन बस्नेत निकट नेता हरिशरण श्रेष्ठको नेतृत्वमा रहेको ३० जनाको टोलीले घिमिरेमाथि हातपात गरेको थियो ।

    आक्रमणकारी श्रेष्ठ १३ औँ महाधिवेशनमा सिन्धुपाल्चोक जिल्ला सभापतिका लागि पराजित उम्मेदवार हुन् भने बस्नेत नेपाली काँग्रेसका सभापति शेर बहादुर देउवा निकट नेता हुन् ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...