भक्तपुरपोस्ट संवाददाता सानोठिमी, ६ साउन
सानोठिमी, ६ साउन सानोठिमीस्थित राष्ट्रिय परीक्षा बोर्डले कक्षा १२ को परीक्षा तालिका सार्वजनिक गरेको छ । साउन ३१ गते बाट शरु हुने गरी बोर्डले बुधवार परीक्षा तालिका सार्वजनिक गरेको हो ।
यस अघि जेठमा सम्पन्न हुनेगरी परीक्षा तालिका सार्वजनिक गरिएको भएपनि कोभिड–१९ महामारी दोस्रो लहरका कारण परीक्षा पछाडि सरेको हो ।
साउन ३१ बाट शुरु हुने परीक्षा भदौं ९ गते सम्पन्न गर्नेगरी तालिका सार्वजनिक गरिएको छ । परीक्षा समय बिहान ११ बजेदेखि २ बजेसम्म निर्धारण गरिएको छ ।
यस पटक परीक्षा नसर्ने जिकिर गर्दै बोर्डमा सदस्य सचिव दुर्गाप्रसाद अर्यालले भक्तपुर पोस्टसंग भने, ”विद्यार्थीले ढुक्क भएर तयारी गर्नुस्, परीक्षा अब सर्दैन ।”
हेर्नुस् परीक्षा तालिका