भक्तपुरपोस्ट संवाददाता भक्तपुर, १६ बैशाख २०७९
भक्तपुर, १६ बैशाख २०७९सिन्धुलीबाट चकमके जादै गरेको सिङ्गल क्याब बोलेरो जीप दुर्घटना हुँदा ३ जनाको घटनास्थलमै ज्यान गएको छ भने ७ जना घाइते भएका छन ।
ज्यान गुमाउनेमा स्थानीय २ पुरुष र कमलामाईकी १ महिला रहेका छन् । तीनपाटन गाउँपालिका वडा नम्बर १ नक्कले भन्ने ठाउँमा बोलेरो सडकबाट खस्दा दुर्घटना भएको हो । बागमती प्रदेश ०१– ०२५ च ०४५६ नम्बरको बोलेरो जीप साँझ सडकबाट करिब सय मिटर तल खसेको थियो ।
प्रहरीले घाइतेहरुको उद्धार गरी बेलघारी स्वास्थ्य चौकीमा प्राथमिक उपचार गरिएको र केहीलाई जिल्ला अस्पताल रिफर गरिएको जनाएको छ । दुर्घटनाबारे अनुसन्धान भैरहेको प्रहरीको भनाइ छ ।