News Portal

  • ४ अग्रज जनपक्षीय पत्रकारहरु पुरस्कृत

    भक्तपुरपोस्ट संवाददाता काठमाडौं, १३ जेठ २०७९
    ३८४ पटक
    काठमाडौं, १३ जेठ २०७९

    सहिद पत्रकार कृष्ण सेन ‘इच्छुक’ को २० औं स्मृति दिवसका अवसरमा प्रेस सेन्टर नेपाल सम्बद्ध ४ अग्रज पत्रकारहरु पुरस्कृत भएका छन् । जनपक्षीय पत्रकारिताको क्षेत्रमा उचाई बनाउन सफल अग्रज पत्रकारहरु महेश्वर दाहाल, गोविन्द आचार्य, वलराम थापा र लक्ष्मी पुन पुरस्कृत भएका हुन् ।

    शुक्रवार सहिद कृष्ण सेन इच्छुक स्मृति पत्रकारिता पुरस्कारबाट दाहाल र आचार्य तथा पत्रकारहरु शक्ति लम्साल र तारा न्यौपानेको स्मृतिमा स्थापना गरिएको शक्ति–तारा स्मृति पत्रकारिता पुरस्कारबाट वलराम थापा र लक्ष्मी पुनलाई पुरस्कृत गरिएको हो । पुरस्कार दुई भएपनि अघिल्लो वर्ष कोभिडका कारण रोकिएको पुरस्कार समेत यसै वर्ष दिइँदा ४ जनाले पाएका प्रेस सेन्टर नेपालका अध्यक्ष विष्णु सापकोटा जुगलले जानकारी गराए ।

    प्रेस सेन्टर नेपाल र अखिल नेपाल जनसास्कृतिक महासंघद्वारा संयुक्त रुपमा आयोजित कार्यक्रममा नेपाल कम्युनिष्ट पार्टी(माओवादी केन्द्र)का अध्यक्ष प्रचण्डले पुरस्कृत चारै जना पत्रकारलाई पुरस्कार प्रदान गरेका थिए । सो अवसरमा अध्यक्ष प्रचण्डले सहिद कृष्ण सेन पद प्रति आसक्ति नभएका एक क्रान्तिकारी जनपक्षीय पत्रकार भएका भन्दै उनीबाट सिक्नुपर्ने कुराहरु धेरै भएका स्मरण गरे । अध्यक्ष प्रचण्डले पार्टी हैसियतका आधारमा नभई विचार र निष्ठाका आधारमा उनको व्यक्तित्व अरुको भन्दा उचो रहेको स्मरण गर्दै सेनको शहादतबाट पार्टीलाई अपूरणीय क्षती भएको बताए ।

    कृष्ण सेन इच्छुक स्मृति पत्रकारिता पुरस्कारको राशी ५० हजार र शक्ति–तारा स्मृति पत्रकारिता पुरस्कारको राशी २५ हजार रुपैयाँ रहेको छ । पुरस्कार प्रदान गर्नका लागि प्रेस सेन्टरले नेपाल पत्रकार महासंघका महासचिव रोसन पुरीको संयोजकत्वमा गोविन्द देवकोटा र गंगा बराल सदस्य रहेको पुरस्कार छनोट समिति गठन गरेको थियो।

    जनसास्कृतिक महासंघका अध्यक्ष मातृका पोखरेलको अध्यक्षतामा सम्पन्न कार्यक्रमको संचालन प्रेस सेन्टर नेपालका अध्यक्ष विष्णु सापकोटा जुगलले गरेका थिए । सो अवसरमा प्रा.डा गोपिन्द्र पौडेल, पत्रकार गोविन्द आचार्य र नेपाल पत्रकार महासंघका अध्यक्ष विपुल पोखरेलले कृष्ण सेन इच्छुकको जनपक्षीय पत्रकारिता तथा प्रगतिवादी साँस्कृतिक आन्दोलनमा उनले पुर्याएको योगदानबारे चर्चा गर्दै उनले देखाएको बाटोमा हिड्नु नै उनीप्रति सच्चा श्रद्धान्जली हुनेमा जोड दिएका थिए ।

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...