भक्तपुर, असार ४ २०७९नेकपा (एमाले) का प्रभावशाली नेता तथा पूर्वमन्त्री महेश बस्नेतले एमालेमाथि लगाईएका आरोपको बारेमा छानबिन गर्न सरकारलाई चूनौति दिएका छन् । हालै प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले अहिलेको सरकार र गठबन्धनको विरोधमा आम जनता एकजुट हुनुपर्ने जोड दिएका छन् ।उनले अहिलेको गठबन्धन कुहिएको फर्सीजस्तै भएको र एमालले चाह्यो भने एक दिनमै गठबन्धन टुट्ने बताएका छन् । उनले सत्ता गठबन्धनको प्रमुख साझेदार दल नेकपा (माओवादी केन्द्र) भित्र ठूलो समस्या रहेको बताएका छन् । उनले अहिले बहालवाला मन्त्रीहरु ज्यान जाला पद छोड्नेवाला नरहेको र अर्को समूह मन्त्रीहरु बन्नको लागि तयार भएर बसेको बताएका छन।
कांग्रेसभित्र पनि नयाँ मन्त्री बन्नको लागि नेताहरु तयार रहेको बस्नेतले बताएका छन् । सरकारले हतार हतारमा बजेट पास गर्नुको कारणपनि सत्ता दलभित्रै समस्या उत्पन्न भएको प्रमाण भएको उनको भनाई छ । उनले अहिलेको गठबन्धन परिआए संसद् विघटन गर्नेसम्मको तयारीमा जुटेको खुलासा गरेका छन् । पाँच दलीय गठबन्धनभित्र ठूलो समस्या रहेको भन्दै आगामी निर्वाचनसम्म यो गठबन्धन नजाने उनले दाबी गरेका छन् ।