भक्तपुर संवाददाताभक्तपुर,८ असार २०७९
भक्तपुर,८ असार २०७९सत्ता गठबन्धनको बैठक आज दिउँसो तीन बजे प्रधानमन्त्रीको सरकारी निवास बालुवाटारमा बस्न लागेको छ । मन्त्री हेरफेरका विषयमा छलफल गर्न बैठक बस्न लागेको हो।
बैठकमा सरकारमा सहभागी काँग्रेस, माओवादी केन्द्र, एकीकृत समाजवादी र जसपाका शीर्ष नेता सहभागी हुने जनाइएको छ । बैठकमा राष्ट्रिय जनमोर्चालाई भने बोलाइएको छैन । बजेट पारित भएपछि सत्ता गठबन्धन मन्त्री हेरफेरको तयारीमा जुटेको हो । एकीकृत समाजवादीले जेठ २२ मै आफ्नो सबै मन्त्रीलाई फिर्ता बोलाउने निर्णय गरिसकेको थियो । साथै उनले नयाँ मन्त्रीका रूपमा नेताहरूको नाम समेत टुङ्ग्याइसकेको छ ।
यसले काँग्रेस, माओवादी र जसपामा पनि मन्त्री हेरफेरको दबाब बढेपछि शीर्ष नेताबीच आज छलफल हुन लागेको बुझिएको छ ।