भक्तपुरपोष्ट संवाददाताभक्तपुर,१४ असार २०७९
भक्तपुर,१४ असार २०७९रुपन्देहीको सियारी गाउँपालिकामा चट्याङ्ग लागेर एक जनाको ज्यान गएको छ ।
आज विहान अविरल वर्षासँगै चट्याङ्ग लागेर जिल्लाको सियारी गाउँपालिका–२ निवासी ४५ वर्षीय रामनाथ बरहीको मृत्यु भएको जिल्ला प्रहरी कार्यालय रुपन्देहीका प्रहरी प्रवक्ता नवरत्न पौडेलले बताएका छन् ।
पौडेलका अनुसार खेतमा काम गर्न गएको बेला विहान साढे ८ बजेको समयमा चट्याङ्ग लागेर बरहीको मृत्यु भएको र उनको शव पोष्टमार्टमका लागि अहिले भैरहवाको भीम अस्पतालमा लगीएको छ ।