भक्तपुरपोष्ट संवाददाताभक्तपुर, १७असार २०७९
भक्तपुर, १७असार २०७९काठमाण्डौ उपत्यकामा हालसम्म १७ जनामा हैजा पुष्टि भएको छ । यसअघि १४ जनामा हैजा सङ्क्रमणको देखिएको थियो । उपत्यकाका बागबजार, डिल्लीबजार, बल्खु, कालोपुल, बोहोराटार, बूढानीलकण्ठ, घट्टेकुलो लगायत क्षेत्रमा हैजाका बिरामी भेटिएका स्वास्थ्य मन्त्रालयले पुष्टि गरेको हो ।
मन्त्रालयका सहप्रवक्ता डाक्टर समिर अधिकारीका अनुसार उपत्यकाका धेरै ठाउँमा हैजा फैलिसकेको छ । हैजाबाट जोगिन खानपानमा नै ध्यान दिनुपर्ने अधिकारीले बताए । उमालेर वा शुद्धीकरण गरेर मात्रै पानी पिउन तथा स्वस्थ खानेकुरा मात्रै खान डाक्टरको सुझाव छ ।
जार तथा बोतलको पानी पनि उमालेर मात्रै पिउन उनले आग्रह गरेका छन् । यस्तै, खुला ठाउँमा दिसापिसाब नगर्न पनि डाक्टर अधिकारीको आग्रह छ। साथै सरसफाइमा पनि ध्यान दिन उनले सुझाव दिएका छन् ।