भक्तपुर, ९ साउन २०७९पाल्पाको लघुवामा भएको बस दुर्घटनामा मृत्यु हुने ६ जनाकै सनाखत भएको छ । गुल्मीबाट बुटवलतर्फ आउँदै गरेको लु १ ख ५९५२ नम्बरको बस रिब्दीकोट गाउँपालिका–२ लघुवामा दुर्घटना ६ जनाको मृत्यु भएको थियो । १७ जना घाइते भएका थिए ।
मृत्यु हुनेमा रुपन्देही देवदह ७ की दिलकुमारी कामी, गुल्मी मुसिकोट ४ का लालबहादुर राना, बागलुङ बडिगाडकी ओमकला थापा, कपिलवस्तु वाणगंगा २ का यमबहादुर सोमै, गुल्मी चन्द्रकोट ८ का प्रवेश काफ्ले, नवलपरासी वर्दघाटकी पूर्णिमा कामी रहेका छन् । जिल्ला प्रशासन कार्यालय पाल्पाका प्रमुख जिल्ला अधिकारी जगन्नाथ पन्तका अनुसार एकजना घाइतेको अवस्था गम्भीर छ ।
घाइते हुनेमा बस चालक रुपन्देही कञ्चन गाउँपालिका वडा ५ किसन श्रीस, कपिलवस्तुको वाणगंगा नगरपालिका २ का पिताम्बर रेग्मी, गुल्मी सत्यवती गाउँपालिका ६ खैरेनीका छविलाल ढकाल, सोही ठाउँकै पुजन ढकाल, बाग्लुङ ढोरपाटन नगरपालिका टेकलाल रसाइली, रौतहटको बृन्दावन गाउँपालिका ७ का संजयकुमार ठाकुर, म्याग्दी रुपा गाउँपालिका ४ कीसुमित्रा रोका, विश्वास रोका, रुपन्देही देवदह नगरपालिका ७ का खड्कबहादुर विक, बाग्लुङ बडीगाड गाउँपालिका १० का सिजन थापा, रुपन्देहीको बुटवल उपमहानगरपालिका वडा नंं ११ कालिकानगरका गोविन्द थापा, गुल्मी चन्द्रकोट गाउँपालिका वडा नं। ८ मझुवाकी प्रियंका काफ्ले, सोही ठाउँकै रचना सुवेदी, रिया सुवेदी र गुल्मी चन्द्रकोटका चन्द्रबहादुर कामी छन् ।
बस करिब २५० किलोमिटर तल खोलामा खसेको थियो । आइतबार साँझ दुर्घटनामा परेको बसमा चालकसहित २३ जना यात्रु सवार थिए ।