भक्तपुरपोष्ट संवाददाताभक्तपुर,१३ साउन २०७९
भक्तपुर,१३ साउन २०७९नेपालगन्जबाट काठमाडौं ल्याइएको राँगोले आतंक मच्चाएपछि गोली प्रहार गरी मारिएको छ । नेपालगन्जबाट शुक्रबार बिहान काठमाडौं ल्याइएको राँगो थानकोटमा झार्ने क्रममा भागेको थियो ।
सडकबाट भागेको राँगो बस्तीमा प्रवेश गरेको, प्रहरीसहितको टोलीले नियन्त्रणमा लिने प्रयास गर्दासमेत नियन्त्रणमा लिन नसकेपछि गोली प्रहार गरिएको थियो । बस्तीमा प्रवेश गरेको राँगो अनियन्त्रित भएर भागेपछि नियन्त्रणमा लिन गोली प्रहार गर्नुपरेको प्रहरी प्रभाग नागढुंगाका डीएसपी डिल्लीनारायण पाण्डेले जानकारी दिए ।
काठमाडौं प्रहरी परिसरका प्रवक्ता दिनेशराज मैनालीले पनि गोली हानेर राँगो नियन्त्रणमा लिनुपरेको बताए ।