भक्तपुर, १५ साउन २०७९नेपाल इन्जिनियरिङ कलेज ९नेक० दुवाकोट भक्तपुरले ४८ जना इन्जिनियरहरुलाई विदाई गरेको छ । कलेजमा सिभिल एण्ड रुरलको पढाई पूरा गरेका उनीहरुलाई शनिबार राजधानीमा एक कार्यक्रमको आयोजना गरी विदाई दिएको हो ।
कार्यक्रममा प्रमुख अतिथि नेपाल इन्जिनियरिङ काउन्सिलका वोर्ड सदस्य इन्जिनियर होमनाथ पोखरेलले काउन्सिलले इन्जिनियरिङ क्षेत्रको गिर्दो शाखलाई जोगाउने काम थालेको बताए । त्यसका लागि मेडिकलमा जस्तै इन्जिनियरहरुलाई पनि काउन्सिल परीक्षा लिने र परीक्षा पास गरेकालाई मात्रै लाइसेन्स दिएर काम गर्न लगाउने योजना सुनाए । यसबाट इन्जिनियरिङ क्षेत्रमा राम्रो विद्यार्थी मात्रै रहने भएकोले इन्जिनियरिङ क्षेत्रको शाख वढ्ने भनाई उनले राखे । उनले जाँंच अवको एक महिनाभित्र नै हुने जनाए । राष्ट्रपतिज्यूबाट आज भोलि नै यसका लागि लालमोहर लगाउने कार्यक्रम रहेको छ, उनले भने, लालमोहर लागेको एक महिनाभित्र जाँंच हुन्छ । यसका लागि तयारी भइरहेको उनले जनाए । उनका अनुसार वार्षिक अहिले करिव आठ हजार नयाँं इन्जिनियर उत्पादन हुने गरेको छ ।
नेपाल इन्जिनियरिङ कलेजका प्रिन्सिपल प्रा।डा। हरिकृष्ण श्रेष्ठले कलेजबाट अध्ययन पूरा गरेका विद्यार्थी कलेजको ब्राण्ड एम्वेडर हुने बताए । यसकारण कलेजको नाम राख्ने गरी राम्रो काम गर्न उनले विद्यार्थीलाई निर्देशन दिए । इन्जिनियरिङ पास हुनु भनेको पहिलो खुडकिलो पार गर्नु हो, उनले भने, अव पनि तपाईहरुले नियमित रुपमा अर्को खुडकिलो पार गर्दै जानुपर्छ ।
कार्यक्रममा कलेजका एकेडेमिक कोअर्डिनेटर एसोसिएट प्रोफेसर बाबुराम भट्टराई, विद्यार्थी कल्याण शाखाका प्रमुख एसोसिएट प्रोफेसर सचिन श्रेष्ठ, प्राफेसर गणेश अधिकारी, कलेजको सिभिल एण्ड रुरल डिपार्टमेन्टका प्रमुख सुनिल श्रेष्ठलगायतले कलेजमा सिकेको ज्ञानलाई अब फिल्डमा सदुपयोग गर्न निर्देशन दिए । कार्यक्रममा विद्यार्थीहरुकोतर्फबाट आदित्य थापा र निरज ढुंगानाले कलेज अध्ययनको साढे चार वर्षको अनुभब सुनाए । कार्यक्रममा मेकानिकल अवार्ड र स्ट्रक्चर अवार्ड पनि वितरण गरिएको थियो । कार्यक्रम कलेजका डिपार्टमेन्ट अफ सिभिल एण्ड रुरलले आयोजना गरेको थियो ।