भक्तपुर,१६ साउन २०७९काठमाडौंको तारकेश्वर नगरपालिका २ काभ्रेस्थलीमा सोमबार बिहान श्रीमान्,श्रीमती र दुई छोराछोरीको शव भेटिएको छ। श्रीमानले श्रीमती र छोराछोरीको हत्या गरेर आफूले आत्महत्या गरेजस्तो देखिएको तारकेश्वर नगरपालिका प्रमुख कृष्णहरि महर्जनले बताए।
श्रीमती र दुई बच्चाको शव एउटा कोठामा भयावह अवस्थामा र श्रीमानको शव अर्को कोठामा देखिएकाले पनि श्रीमती र बच्चासहितको हत्या गरेर आफूले आत्महत्या गरेको हुनसक्ने प्रमुख महर्जनको भनाइ छ । त्यसबारे प्रहरीले थप अनुसन्धानका लागि घटनास्थलमा खटिरहेका छन् ।
श्रीमती दुई दिनपछि युके जाने तयारीमा रहेको स्थानीयहरूले बताएको उनको भनाइ छ। थप अनुसन्धानपछि नै घटनाबारे थाहा लाग्ने उनले बताए।उनीहरूको छोराछोरी विद्यालय जाने बेलामा पनि बाहिर ननिस्केपछि स्थानीयले ढोका फोडेर हेरेका थिए। घटनाबारे प्रहरीले अनुसन्धान गरिरहेको र थप रहस्य खुल्न बाँकी रहेको जनाइएको छ।