भक्तपुरपोष्ट संवाददाताभक्तपुर,२१ साउन २०७९
भक्तपुर,२१ साउन २०७९हिजो रातिदेखिको वर्षाका कारण मेलम्ची खोलामा बाढी आएको छ । बाढीका कारण मेलम्ची र हेलम्बुका विभिन्न सडक खण्ड अवरुद्ध भएका छन् ।
मेलम्चीको सिमखेत, मेलम्ची नगरपालिका(२ निवुगाउँ, मेलम्ची(भोताङ सडक खण्डमा पर्ने राम्चे, हेलम्बुको ढुङ्ग्रे बजार लगायतमा बाढीले सडक अवरुद्ध पारेको इलाका प्रहरी कार्यालय मेलम्चीका प्रहरी निरीक्षक उत्तमसिंह भण्डारीले जानकारी दिएका छन्।
अरनिको राजमार्ग अन्तर्गत जुरेमा लेदो माटोसहित आएको पहिरोले सडक पुरेको र अहिले खुलाउने प्रयास भइरहेको जिल्ला प्रहरी कार्यालयका सूचना अधिकारी प्रहरी नायब उपरीक्षक दक्षकुमार बस्नेतले जानकारी दिए । यस्तै, बाढीले साँधीखोलामा रहेको ह्युमपाइप बगाएपछि ठूला मालवाहक गाडी आवतजावतमा समस्या भएको उनले बताए।