भक्तपुरपोष्ट संवाददाताभक्तपुर,२९ साउन २०७९
भक्तपुर,२९ साउन २०७९सर्लाहीको लालबन्दी नगरपालिका–५ रंजितपुरमा ट्रयाक्टर दुर्घटना हुँदा एक जनाको ज्यान गएको छ ।
मृत्यु हुनेमा ट्रयाक्टरमा सवार स्थानीय ३६ वर्षीय लल्लु माझी मुसर रहेका छन् । दुर्घटनामा गम्भीर घाइते भएका मुसरको उपचारका क्रममा मलंगवा स्थित प्रादेशिक अस्पतालमा मृत्यु भएको हो ।
बालुवा लोड भएको ना ५ त ९९७१ नम्बरको ट्रयाक्टर हिजो साँझ ६ बजे अनियन्त्रित भइ पल्टिएको थियो । दुर्घटना पश्चात फरार रहेका ट्रयाक्टर चालकको खोजी भइरहेको इलाका प्रहरी कार्यालय लालबन्दी सर्लाहीले जनाएको छ ।
