भक्तपुरपोष्ट संवाददाताभक्तपुर,१२ भदौ २०७९
भक्तपुर,१२ भदौ २०७९बाराको जितपुर सिमरा उपमहानगरपालिका–३ बजनी चोकमा मोटरसाइकलले ठक्कर दिदा पैदलयात्रीको मृत्यु भएको छ । दुई जना घाइते भएका छन् ।
मृत्यु हुनेमा पैदलयात्री पर्साको वीरगञ्ज महानगरपालिका–१० रानीघाटका ४५ वर्षीय शम्भु साह रहेका छन् । उपचारका लागि अस्पताल लैजादै गर्दा उनको बाटोमै मृत्यु भएको हो ।
दुर्घटनामा घाइते भएका मोटरसाइकलमा सवार दुई जनाको सिमरा स्थित अल्पाइन अस्पतालमा उपचार भइरहेको छ ।
वीरगन्जबाट सिमरातर्फ आउँदै गरेको बा ७१ प २९७ नम्बरको मोटरसाइकल हिजो साँझ पौने ७ बजे पैदलयात्रीलाई ठक्कर दिएर पल्टिएको इलाका प्रहरी कार्यालय सिमराले जनाएको छ ।