भक्तपुरपोष्ट संवाददाताभक्तपुर,२६ भदौ २०७९
भक्तपुर,२६ भदौ २०७९चितवनको माडीमा बाघको आक्रमणबाट एक वृद्धाको मृत्यु भएको छ । मृत्यु हुनेमा माडी नगरपालिका–२, ढिकुनका ६८ वर्षीय सूर्यनाथ अधिकारी रहेका छन् ।
जिल्ला प्रहरी कार्यालय चितवनका प्रवक्ता प्रहरी नायब उपरीक्षक विजयराज पण्डितका अनुसार शनिबार भैँसी चराउन सामुदायिक वनमा गएका अधिकारीलाई बाघले आक्रमण गरेको हो । शनिबारदेखि हराएका अधिकारीको आज बिहान ८ः३० बजे शव भेटिएको हो ।
शव मध्यवर्ती सामुदायिक वन अमिलियामा बाघले आक्रमण गरेको जस्तो देखिएको अवस्थामा भेटिएको कार्यालयले जनाएको छ । शव परीक्षणका लागि भरतपुर अस्पताल ल्याइएको छ ।