भक्तपुरपोस्ट संवाददाता भक्तपुर, ६ मंसिर २०७९
भक्तपुर, ६ मंसिर २०७९ प्रतिनिधि सभा सदस्य निर्वाचनमा काठमाडौंको क्षेत्र नम्बर ४ बाट अत्यधिक मतका साथ नेपाली कांग्रेसका महामन्त्री गगनकुमार थापा विजयी भएका छन् । उनले २१ हजार ३०१ मत प्राप्त गरेको निर्वाचन अधिकृत शारदादेवी पौडेलले जानकारी दिएका छन् ।
उनले आफ्ना प्रतिस्पर्धी नेकपा (एमाले) डा. राजन भट्टराईलाई ७ हजार ४४६ मत अन्तरले पराजित गरेको हो ।
एमालेका भट्टराईले १३ हजार ८५५ मत प्राप्त गरेका छन् । थापा २०७४ मा भएको प्रतिनिधिसभा सदस्य निर्वाचनमा पनि यही क्षेत्रबाट भट्टराईलाई पराजित गर्दै विजयी भएका थिए ।