News Portal

  • भारतीय पक्षले गर्यो नेपाल-भारत सीमा पुल बन्द

    भक्तपुरपोस्ट संवाददाताभक्तपुर, १९ मङ्सिर २०७९
    १४९ पटक
    भक्तपुर, १९ मङ्सिर २०७९

    सोमबार बिहानदेखि भारतीय पक्षले खलंगामा रहेको नेपाल-भारत सीमा पुल बन्द गरेको छ । दार्चुला सदरमुकाम खलंगामा रहेको सो पुल भारतले किन बन्द गरेको भन्ने खबर नभएको नेपाली प्रशासनले जनाएको छ ।

    महाकालीको बहाव नेपालतर्फ धकेलेर भारतले अनधिकृत पक्की संरचना बनाउन थालेपछि स्थानीयहरु आइतबार आन्दोलित भएका थिए । भारतीयले बनाएको अनधिकृत संरचना रोक्न माग गर्दै आइतबार दार्चुला सदरमुकाम खलंगामा नेपालीहरुले विरोध गरेका थिए । त्यसपछि पारीबाट विरोधमा उत्रिएका नेपालीमाथि ढुंगा हानिएको थियो ।

    आइतबार अपराह्न ४ बजे भएको ढुंगा हानाहानले बांगाबगरस्थित कैलाशपति आधारभूत विद्यालय नजिक खेलिरहेका चार बालक घाइते भएका थिए ।

    भारतीय पक्षबाट यस्ता हर्कत भईरहँदा पनि सरकार भने बेखबर जसरी बसिरहेको बेला भारतीय पक्षले फेरि आज एक्काशी नेपाल–भारत सीमा पुल बन्द गराएको हो ।

    दार्चुलाका प्रमुख जिल्ला अधिकारी दीर्घराज उपाध्यायका अनुसार नेपालतर्फबाट सधैंकै समयमा सीमा पुल खोलिएको थियो । भारतीय पक्षबाट सीमा पुल बन्द गरेको बारेमा आफूहरुलाई केही जानकारी नआएको उनले बताए ।

    ‘भारततिर कुनै कार्यक्रम हुन सक्छ । त्यसको हामीलाई कुनै जानकारी छैन’ प्रमुख जिल्ला अधिकारी उपाध्यायले भने,–‘हिजो हाम्रोतर्फका बङ्गाबगरबासीले भारतीय पक्षले महाकालीको धार परिवर्तन हुने गरी निर्माण भइरहेको तटबन्धलाई रोक्न माग राख्दै स्थानीयले आक्रोशमा दुई घण्टा पुल बन्द गरेका थिए । स्थानीय र भारतीय पक्षसँग समन्वय गरेर हिजो नै समस्या समाधान गरिएको थियो । तर आज फेरि किन पुल बन्द गरियो भन्ने मलाई जानकारी छैन ।’

    प्रतिकृया दिनुहोस्

    तोरीको उत्पादन बढ्ने भएपछि किसान खुसी

    पूर्वी नवलपरासीमा यस वर्ष नगदे बालीकोे रूपमा रहेको तोरीको उत्पादन बढ्ने भएको छ । यस...

    लामिछानेको धम्कीपूर्ण अभिव्यक्तिप्रति पत्रकार महासंघको कडा शब्दमा निन्दा

    नेपाल पत्रकार महासंघले राष्ट्रिय स्वतन्त्र पार्टीका अध्यक्ष रवि लामिछानेले पत्रकार सम्मेलनमा दिएको अभिव्यक्तिप्रति गम्भीर ध्यानाकर्षण...

    प्रजिअ रिजालको स्वागत

    सुर्खेत जिल्लाबाट भक्तपुरमा सरुवा भई आएका भक्तपुरका प्रमुख जिल्ला अधिकारी खगेन्द्रप्रसाद रिजालको स्वागत गरिएको छ...

    खेल र खेलाडीहरुको क्षमता अभिबृद्धिका लागि राष्ट्रपति रनिङ शिल्ड

    मध्यपुर थिमि नगरपालिकाका नगरप्रमुख सुरेन्द्र श्रेष्ठले नगरपालिकाले खेलकुदको विकासलाई प्राथमिकतामा राखेर कार्य गर्दै आइरहेको बताउँदैं...

    अब प्रधानमन्त्री हुने गरी आउने लामिछानेको भनाइ

    राष्ट्रिय स्वतन्त्र पार्टी (रास्वपा) का सभापति रवि लामिछानेले अब आगामी निर्वाचनबाट आफू उपप्रधान र गृहमन्त्री...