भक्तपुरपोस्ट संवाददाता भक्तपुर, १९ मङ्सिर २०७९
भक्तपुर, १९ मङ्सिर २०७९ प्रतिनिधिसभा सदस्यमा दोलखाबाट नेकपा माओवादी केन्द्रका गङ्गा कार्की निर्वाचित भएका छन् ।
कार्कीले नेकपा एमालेका बालकृष्ण शिवाकोटीलाई ३ सय १७ मतको अन्तरले पराजित गरेका हुन् ।
कार्कीले ३६ हजार ७ सय ९९ मत प्राप्त गरेका थिए भने शिवाकोटीले ३६ हजार ४ सय ८२ मत प्राप्त गरे ।
साथै दोलखा प्रदेशसभा–१ मा सत्ता गठबन्धनका उम्मेदवार नेपाली कांग्रेसका कुन्दनराज काफ्ले विजय भएका छन् ।
उनले २३ हजार ३ सय ३१ मत प्राप्त गरेका छन् भने एमालेका नरबहादुर श्रेष्ठले १५ हजार ३ सय ५६ मत प्राप्त गरेका थिए । प्रदेशसभा २ मा एमालेका भरतबहादुर केसी निर्वाचित भएका छन् ।