News Portal

  • विश्वकपमा कीर्तिमानी मेसी

    भक्तपुरपोस्ट संवाददाता भक्तपुर, ४ पुस २०७९
    ४४३ पटक
     भक्तपुर, ४ पुस २०७९

    कतारमा सम्पन्न २२ औँ फिफा विश्वकपको उपाधि अर्जेन्टिनाले जितेको छ । आइतबार सम्पन्न फाइनल खेलमा अर्जेन्टिनाले उपाधि रक्षा गर्दा कप्तान लियोनल मेस्सीको नाममा धेरै कीर्तिमानी बने ।

    फ्रान्सविरुद्ध विश्वकपको फाइनल खेलका लागि मैदानमा टेक्नासाथ मेसीले कीर्तिमान बनाए । उनले विश्वकपमा सबैभन्दा धेरै २६ खेल खेल्ने कीर्तिमानी बनाए । उनले सम्पन्न विश्वकपको सबै ७ खेल खेल्दै जर्मनीका लोथार म्याथ्वुको नाममा रहेको २५ खेलको कीर्तिमान तोडे ।

    कतारमा विश्वकप खेल्नुअघि नै मेसीले विश्वकपको चार संस्करणमा सहभागी हुँदै १९ खेल खेलेका थिए ।

    यस्तै, फ्रान्सविरुद्ध २४ मिनेट खेल्नासाथ मेसीको नाममा अर्को कीर्तिमानी थपिन पुग्यो । इटलीका पाउलो माल्दिनीको नाममा रहेको विश्वकपमा सर्वाधिक धेरै समय खेल्ने कीर्तिमानी पनि उनकै नाममा पुग्यो ।

    विश्वकपमा दुई हजार २ सय १७ मिनेट खेल्दै कीर्तिमानी बनाएका माल्दिनीको स्थानमा मेसीको नाम लेखिन पुग्यो । यो प्रतियोगिताको अन्त्यसँगै मेसीले आफ्नो नाममा दुई हजार ३ सुय १३ मिनेट विश्वकप खेल्ने कीर्तिमान बनाए ।

    मेसीले अर्जेन्टिनाका लागि विश्वकपमा सर्वाधिक गोल गर्ने अर्को कीर्तिमानी थपे । यसका लागि उनले महान खेलाडी म्याराडोनालाई नै पछि पारे । विश्वकपमा लगातार पाँच संस्करण खेल्ने ६ खेलाडीमध्ये उनी एक बने ।

    खेल, गोल मात्र नभई मेसीले विश्वकपमा सबैभन्दा धेरै असिस्ट गर्ने अर्को कीर्तिमान थपे । उनी लगातार पाँच विश्वकपमा असिस्ट गर्ने एक खेलाडी बन्न पुगे । यस्तै, फ्रान्सविरुद्ध फाइनलमा गोल गरेका मेसीले विश्वकपको नकआउट चरणमा अन्तिम १६, क्वाटरफाइनल, सेमिफाइनल र फाइनलमा गोल गर्ने एक मात्र खेलाडी बने ।

    यस्तै, मेसीले विश्वकपमा १९ खेलमा कप्तानी गर्ने अर्को कीर्तिमान थप्दै गर्दा १७ खेल जित्ने जर्मनीका मिरोस्लाभ क्लोजको कीर्तिमानसँग बराबरी गरे ।

    देशका लागि अन्तर्राष्ट्रिय स्तरको उपाधि जिते पनि केही गर्न नसकेको आरोप लाग्दै आएको मेसीले सबै प्रश्नहरू एकसाथ बन्द गरिदिएका छन् । साथै, उनले आफूलाई इतिहासकै महान खेलाडीको सूचीमा आफ्नो नाम सुनौलो अक्षरले लेख्न सकेका छन् ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...