भक्तपुरपोस्ट संवाददाताभक्तपुर, ११ पुस २०७९
भक्तपुर, ११ पुस २०७९ नवनियुक्त प्रधानमन्त्री पुष्पकमल दाहाल ‘प्रचण्ड’ले आज पद तथा गोपनीयताको शपथ लिने भएका छन्।
राष्ट्रपति कार्यालयका अनुसार राष्ट्रपति विद्यादेवी भण्डारीसमक्ष नवनियुक्त प्रधानमन्त्रीको पद तथा गोपनीयताको शपथ समारोह सोमबार अपराह्न ४ बजे आयोजना हुनेछ ।
नवनियुक्त प्रधानमन्त्रीसहित मन्त्रीहरूले आज शपथ लिने कार्यक्रम रहेको राष्ट्रपति भण्डारीका प्रमुख स्वकीय सचिव डा. भेषराज अधिकारीले बताएका छन् । नेकपा माओवादी केन्द्रका अध्यक्षसमेत रहेका नवनियुक्त प्रधानमन्त्री दाहाललाई प्रतिनिधिसभाका एक सय ६९ सांसदले समर्थन गरेका छन् ।
सोमबार नै मन्त्रिपरिषद्का केही सदस्यले समेत पद तथा गोपनीयताको शपथ लिने बताइएको छ ।