भक्तपुर, २६ पुस २०७९ वाग्मती प्रदेशका नवनियुक्त मुख्यमन्त्री शालिकराम जम्मकट्टेलले पद तथा गोपनियताको शपथ लिएका छन् । प्रदेश प्रमुख यादव चन्द्र शर्माले मंगलबार बिहान जम्मकट्टेललाई शपथ खुवाएका हुन् ।
माओवादी केन्द्र संसदीय दलका नेता शालिकराम जम्मकट्टेलले सोमबार मुख्यमन्त्रीमा नियुक्त भएका थिए । शपथ सागै उनले आफनो मन्त्रिमण्डल पनि विस्तार गरेका छन् । उनले एमाले र राप्रपाका एक एक जनालाई पहिलो चरणमा मन्त्रिमण्डलमा सहभागी गराएका हुन् । उनले एमाले दल नेता जगन्नाथ थपलियालाई आर्थिक मामिला तथा योजना मन्त्री र राप्रपाका उद्धव थापालाई विनाविभागीय मन्त्रीको जिम्मेवारी तोकेका छन् । नवनियुक्त मन्त्रीहरुको पन िमंगलबार बिहानै शपथ भएको छ ।
जम्मकट्टेलले सोमबार सरकार गठनका लागि दावी पेश गरेका थिए । उनले प्रदेश प्रमुखले दिएको समय सीमा सकिन्नुभन्दा दुई घण्टा अगाडि ७० जना सांसदको हस्ताक्षरसहित दावी पेश गरेका थिए।
जम्मकट्टेललाई माओवादी केन्द्रका २१, एमाले २७, राप्रपा १३, नेकपा एस ७ हाम्रो नेपाली पार्टीका २ जना सांसदको साथ रहेको छ ।