भक्तपुरपोस्ट संवाददाता भक्तपुर, २८ पुस २०७९
भक्तपुर, २८ पुस २०७९ बागमती प्रदेशको सभामुखमा भक्तपुरबाट नेपाकिपाको समानुपातिक कोटाबाट सांसद चुनिएकी सृजना सायजुले उम्मेदवारी दिएकी छन् ।
प्रदेशसभा सचिवालय हेटौंडामा भौतिक उपस्थितिमै विहिबार उम्मेदवारी दिएकी उनलाई नेमकिपाका सांसद सुरेन्द्रराज गोर्साइले प्रस्ताव र गीता काफ्लेको समर्थन गरेका छन् ।
उनले नेपालको संविधानको धारा १८२ एवम् प्रदेशसभा नियमावली पहिलो संशोधन २०७४ को नियम ७ को उपनियम २ बमोजिम मनोनयन दर्ता गरेकी हुन् ।
यता, सत्ता गठबन्धनले राप्रपाका भुवन पाठकलाई सभामुखको उम्मेदवार बनाउने निर्णय गरेको छ ।
सत्ता समीकरण मिलाउने क्रममा गठबन्धनले बागमती प्रदेशमा मुख्यमन्त्री माओवादी, सभामुख राप्रपा र उपसभामुख एमालेले पाउने सहमति भएको थियो ।
कांग्रेसले शिवराज अधिकारीलाई उम्मेदवार बनाउने भएको छ ।