भक्तपुर, ८ माघ २०७९ नेपाली कांग्रेसको नेता शेखर कोइराला समूहको बैठक बत्तीसपुतलीस्थित अनुपम फुडल्याण्डमा जारी छ । बैठकमा पछिल्लो राजनीतिक घट्नाक्रम, पार्टीभित्रको आन्तरिक राजनीतिबारे छलफल गर्न बैठक बसिरहेको कांग्रेस केन्द्रीय सदस्य सञ्जय गौतमले जानकारी दिए ।
राष्ट्रिय राजनीतिबारे आफ्नो समूहको सामूहिक धारणा बनाउन नेता कोइरालाले बैठक बोलाएर छलफल गरिरहेका हुन् ।
पार्टी सभापति शेरबहादुर देउवाको पछिल्लो राजनीतिक भूमिकाप्रति असन्तुष्ट रहेको समूहले अब कसरी अगाडि बढ्ने भन्ने धारणा बनाउन बैठक बोलाएको हो । प्रधानमन्त्री पुष्पकमल दाहाललाई विश्वासको मत दिने विषयमा कांग्रेसमा इतर समूहले सभापति कोइरालाको प्रस्तावमा असहमति जनाएको थियो ।
बैठकमा माघ १५ गतेका लागि बोलाइएको पार्टी केन्द्रीय समिति बैठकमा आफ्नो समूहको एजेण्डा के हुने भन्ने तय पनि बैठकले गर्ने नेताहरूले बताएका छन् ।
बैठकमा कोइराला समूहका केन्द्रीय पदाधिकारी, केन्द्रीय सदस्य, सांसद र प्रदेश सभापतीहरू पनि सहभागी छन् ।