भक्तपुरपोस्ट संवाददाताभक्तपुर, १७ माघ २०७९
भक्तपुर, १७ माघ २०७९ काभ्रेपलाञ्चोकको बनेपा नगरपालिका–१, टकुचा नालामा अविभावकको कुटाईबाट एक बालकको मृत्यु भएको छ । मजदुरी गर्दै आएका एक दम्पतीले कुटपिट गरी तीन वर्षीया बालकको हत्या गरेको प्रहरीले जनाएको हो ।
दाङको घोराही नगरपालिका–९ स्थायी घर भई हाल बनेपा नालामा इँटा भट्टामा काम गर्दै आएका तिलकराम बुढा र उनकी श्रीमती उर्मिला बुढाले तीन वर्षीय छोरा विमल बुढाको हत्या गरेको प्रहरीले जनाएको छ ।
प्रहरीका अनुसार तिलकराम विमलका बाबु र उर्मिला सौतेनी आमा हुन् । तिलकराम र उर्मिलाको कुटपिटपछि विमलको माघ १३ गते मृत्यु भएको काभ्रेपलाञ्चोकका प्रहरी प्रमुख प्रहरी उपरीक्षक चक्रराज जोशीले बताएका छन् ।