भक्तपुरपोस्ट संवाददाता भक्तपुर, २४ माघ २०७९
भक्तपुर, २४ माघ २०७९ कान्ति बाल अस्पतालका निर्देशक डा. युवानिधि बसौलाले अस्पतालमा अनलाइन टिकट सुरु गरेको बताका छन् । अस्पतालमा हुने अव्यवस्थित भीडको व्यवस्थापन गर्न अस्पतालले अनलाइन टिकट सुरु गरेको उनले बताएका हुन् ।
देशका जुनसुकै कुनामा बसेर पनि अनलाइनबाट टिकट काटी उपचार सेवा लिन सक्ने डा. बसौलाले जानकारी दिएका छन् । ‘यो सँगै कान्ति बाल अस्पतालमा बच्चाको उपचार गराउँदा घरबाटै टिकट काटेर जान सकिनेछ । अस्पतालमा लामो लाइन बस्नुपर्ने अवस्थाको यसले विस्तारै अन्त्य गर्ने विश्वास छ ।,” उनले भने ।
गुगल प्लेस्टोरबाट कान्ति बाल अस्पतालको एप डाउनलोड गरी सेवाग्राहीले आइएमई पे, ई–सेवा, खल्ती र कनेक्ट आईपीएसमार्फत भुक्तानी गरेर अनलाइन टिकट काट्न सक्नेछन् । अस्पतालमा दैनिक सात सयको हारहारीमा बिरामीहरूले सेवा लिन गरेका छन् ।