भक्तपुरपोस्ट संवाददाताभक्तपुर, १९ फागुन २०७९
भक्तपुर, १९ फागुन २०७९ उपप्रधानमन्त्री एवं भौतिक पूर्वाधार तथा यातायातमन्त्री नारायणकाजी श्रेष्ठ शुक्रवार कतारको दोहा प्रस्थान गरेका छन् । फागुन २१ देखि २५ गतेसम्म आयोजना हुने अति कम विकसित मुलुकहरू (एलडीसी) को सम्मेलनमा भाग लिन नेपाली प्रतिनिधिमण्डलको नेतृत्व गर्दै उपप्रधानमन्त्री श्रेष्ठ त्यसतर्फ प्रस्थान गरेका हुन् ।
नेपालले यस वर्ष अति कम विकसित देशहरू (एलडीसी) को अध्यक्षता ग्रहण गर्ने कार्यक्रम छ । यसअघि मालवीले अध्यक्षता ग्रहण गरेको थियो । उपप्रधानमन्त्री श्रेष्ठ नेतृत्वको प्रतिनिधिमण्डलमा राष्ट्रिय योजना आयोगका उपाध्यक्ष डा मीनबहादुर श्रेष्ठ, सांसद जीतेन्द्रनारायण देव, नेपाल सरकारका सचिव तथा कतारस्थित नेपाली राजदूत लगायत रहेका उनका प्रेस बिज्ञ कमल गिरीले जानकारी गराए ।
उपप्रधानमन्त्री श्रेष्ठ फागुन २३ गते स्वदेश फर्किने बताइएको छ ।