News Portal

  • समाजवादकाे यात्रामा कालीगण्डकी गाउँपालिका

    राजेन्द्र न्याैपाने / भक्तपुरपोस्ट संवाददाता स्याङ्जा, १ चैत २०७९
    २५८ पटक
    स्याङ्जा, १ चैत २०७९

    दोस्रो संबिधान सभाबाट जारी ऐतिहासिक संबिधान २०७२ ले राज्यको पुर्नसंरचना गरि देशमा ७ वटा प्रदेश बनाए पश्चात गण्डकी प्रदेशको सुदुर पश्चिम स्याङ्जामा  कालिगण्डकी गाउँपालिका अबस्थित छ । यो गाउँपालिका स्थानीय निकाय पुनर्संरचना आयोगले साबिक श्रीकृष्णगण्डकी, बिर्घा, आलमदेबी र चण्डीभञ्ज्याङ गाबिस मिलाएर बनाएको हो । यसको जनसंख्या २ लाख १७ हजार २८ छ भने क्षेत्रफल ७३.५१ वर्ग कि.मि रहेको छ।

    पुर्ब तर्फ गल्याङ नगरपालिका उत्तर तर्फ गल्याङ नगरपालिका, गुल्मी जिल्लाको कालीगण्डकी तथा सत्यवती गाउँपालिका, पश्चिम तर्फ पाल्पा जिल्लाको तानसेन नगरपालिका र दक्षिणतर्फ बगनासकाली गाउँपालिका, तानसेन नगरपालिका यति चार किल्ला भित्र कालिगण्डकी गाउँपालिका रहेको छ ।

    यस पालिकाकाे केन्द्र साविकको विर्घा गा.वि.स., गहलाममा रहेकाे छ ।  पालिकाकाे कुल क्षेत्रफल ७३.५१ वर्ग कि.मि. र हाल वडा सँख्या  ७ रहेका छन् ।

     गण्डकी प्रदेश स्थित स्याङ्जा जिल्लामा रहेकाे कालिगण्डकी गाउँपालिकाकाे आफ्नै लाेगाे, झण्डा र पालिकागान रहेकाे छ । देशमा रहेका ७ सय ५३ वटा पालिकामा कसैका लाेगाे छन्, कसैका गान रहेका छन् भने कालिगण्डकी गाउँपालिकाकाे भने लाेगाे, झण्डा र गान रहेकाे पाइएकाे हाे । गाउँपालिका महासँघका अनुसार कालि गण्डकी गाउँपालिका नेपालमा उदाहरणीय रहेकाे छ ।  समाजवादकाे यात्रामा रहेकाे उक्त गाउँपालिकाकाे अनुकरणीय कार्यकाे अध्ययन अवलाेकनका लागि प्रदेशका ४० भन्दा धेरै पत्रकारहरु एकसाथ कालिगण्डकी पुगेका छन् ।

    गाउँपालिकाले सुख्खा जमिनकाे प्रयाेग गर्ने र उत्पादन लिने उदेश्यले स्थानीय प्रविधि र जनशक्तिकाे प्रयाेग गरी जग्गा भाडामा लिएर ड्रागन फ्रुटको खेती गरेकाे छ । न्यूनतम विजुली महसुल निशुल्क गरेकाे छ । गाउँमा अस्पताल सञ्चालनमा ल्याएर निशुल्क उपचार गरेकाे छ । गाउँमा बच्चा जन्मने वित्तिकै स्वास्थ्य विमा गरेकाे छ । कुनैपनि नागरिक उपचार अभावमा चन्दा सङ्कलन गर्न जानुपर्ने वा उपचार नपाएर अकालमा ज्यान गुमाउनुपर्ने अवस्था आउन नदिन नागरिककाे उपचार जिम्मा पालिकाले लिएकाे छ ।

    विद्यालयमा पूर्ण निशुल्क शिक्षा प्रदान गरेकाे छ । पालिकामा नीजि विद्यालय तर्फ विद्यार्थीहरुकाे आकर्षण अत्यन्त न्युन रहेकाे छ भने कतिपय नीजि विद्यालयहरु बन्द भएका छन् । विद्यालय क्षेत्रमा फूलखेती गर्ने, प्राविधिक धारकाे शिक्षा लागु गरी उत्पादनसँग जाेड्ने कार्य भइरहेकाे गाउँपालिका अध्यक्ष खिम बहादुर थापाले बताएका छन् । स्थलगत अवलाेकनका क्रममा समेत थापाका भनाइहरु पुष्टि भएका छन् । पर्यटन क्षेत्रका प्रचारप्रसारका लागि पालिका भित्रका रहेका सातवटै वडामा पूर्वाधारहरु खडा हुन थालेका छन् । घरवास कार्यक्रमहरु सञ्चालनमा आउन थालेका छन् भने यहाँकाे स्थानीय सँस्कृतिहरुकाे उजागर र सँरक्षणकाे थालनी भएकाे छ ।  खानेपानीकाे आपूर्तीका लागि लिफ्टिङ प्रणालीहरु जडान गर्ने गतिविधि अघि बढेका छन् । पालिकाकाे यस अघिका असल अभ्यासका कारण जनप्रतिनीधिहरु पुन निर्वाचित भएका  छन् । पालिकामा भएका असल अभ्यासहरुले समाजवादकाे यात्रा तय गरेका छन् ।

    प्रतिकृया दिनुहोस्

    पत्रकार सिलवाललाई पितृशोक

    प्रेस सेन्टर नेपाल भक्तपुरका कोषाध्यक्ष, नेपाल पत्रकार महासंघ जिल्ला शाखा भक्तपुरका सदस्य एवं जनगर्जन पत्रिकाका...

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...