भक्तपुर, २३ चैत्र २०७९ मोरङमा एउटै केन्द्रबाट एसईई दिने ५२ परीक्षार्थी पक्राउ परेका छन् । पक्राउ पर्ने परिक्षार्थीहरु सबै नकाल्ली राखेको जिल्ला प्रहरी कार्यालय मोरङका प्रवक्ता डिएसपी रन्जन कुमार दाहालले जानकारी दिएका हुन् ।
बिहीबार बिहान जिल्लाको ग्रामथान गाउँपालिका–२ झोराहाटस्थित सरस्वती नमूना माविको परीक्षा केन्द्रबाट सामाजिक विषयको परीक्षा दिदै गरेका ५२ जना नक्कली परीक्षार्थीलाई प्रहरीले पक्राउ गरेको हो ।
नक्कली परीक्षार्थी भेटिएपछि अहिले घटनाको अनुसन्धान गर्न घटनास्थलमा प्रहरी र शिक्षा विकास समन्वय इकाइ मोरङका प्रमुख टंक गौतमको टोली पुगेको डिएसपी दाहालले जानकारी दिएका छन् ।
नक्कली परीक्षार्थी खुल्लातर्फका परीक्षा दिने रहेको परीक्षा केन्द्रअध्यक्ष तथा सरस्वती नमुना माविका प्रधानध्यापक अशोक लुइटेलले बताए। सरस्वती नमुनामा ८ वटा विद्यालयको सेन्टर रहेको छ ।
प्रवेशपत्रको फोटोमा शंका लागेपछि परीक्षार्थीको जन्म मिति सोध्दा भन्न नसकेपछि केरकार गर्दा नक्कली रहेको थाहा भएको परीक्षा केन्द्र अध्यक्ष लुइटेलले बताए ।