कीर्तिपुर नगरपालिकाले आज नगर क्षेत्रमा शोक बिदा दिएको छ । नगरपालिकाले वडा नं. ४ का वडाध्यक्ष श्यामकुमार अधिकारीको निधनमा शोक बिदा दिएको हो ।

वैशाख १ गते मोटरसाइकल दुर्घटनामा परि गम्भीर घाइते हुनुभएका अधिकारीको उपचारको क्रममा हिजो अन्नपूर्ण न्यूरो अस्पताल माइतीघरमा निधन भएको हो । चम्पादेवी मन्दिर जाने बाटो मर्मत गरेर फर्कने क्रममा उनि चढेको मोटरसाइकल दुर्घटनामा परेको थियो ।

मोटरसाइकलको पछाडि रहनुभएका वडाध्यक्ष अधिकारीको टाउकोमा गम्भीर चोट लागेको थियो । आज उहाँप्रति श्रद्धाञ्जली अर्पण गरेपछि अन्त्येष्टि गर्ने तयारी भएको कीर्तिपुर नगरपालिकाले जनाएको छ ।

पोहोर भएको पालिका चुनावमा स्वतन्त्र उम्मेदवार बनेर कीर्तिपुर ४ को वडाध्यक्षमा निर्वाचित भएका थिए ।