भक्तपुर, ३१ बैशाख २०८०नक्कली भुटानी शरणार्थी प्रकरणमा फरार नेकपा (एमाले)का सचिव टोपबहादुर रायमाझी पक्राउ परेका छन् । प्रहरीलाई उनलाई काठमाडौंबाट पक्राउ गरेको हो ।
प्रहरीले रायमाझीका छोरा सन्दीपलाई २० वैशाखमा नै पक्राउ गरी अनुसन्धान गरिरहेको छ । जिल्ला अदालत काठमाडौंले २० वैशाखमै पक्राउ पुर्जी जारी गरेपनि पूर्व उपप्रधान मन्त्री समेत रहेका रायमाझी भने फरार भएका थिए ।
यसअघि प्रहरीले पूर्वगृहमन्त्री बालकृष्ण खाँणसँगै १२ जना लाई पक्राउ गरिसकेको छ । अनुसन्धान अघि बढ्दै जादा ठुला नेताहरु तानिएपछि सरकारले अनुसन्धानलाई अझ महत्वका साथ् अघि बढाएको छ ।
उपप्रधान एवं गृहमन्त्री नारायणकाजी श्रेष्ठ प्रकाशले निर्दोष नपर्ने र दोषी उम्कन नसक्ने जिकिर गर्दै प्रहरीले अनुसन्धानलाई दृढतापूर्वक निष्कर्षमा पुर्याउने बताउदै आएका छन् । ठुला नेताहरु अनुसन्धानका दायरामा आए संगै जनतामा सरकारप्रति भरोषा र अनुसन्धान प्रति बिश्वास बढ्दै गएको छ ।