आफ्नै दाइको हत्या अभियोगमा काठमाडौँ महानगर २३ ओमबहाल बस्ने सुरज शाक्य पक्राउ परेका छन् । ४५ वर्षीय दाइ सूर्य शाक्यको हत्या गरेको अभियोगमा उनी पक्राउ परेका हुन् ।

घरायसी विवाद हुँदा सुरजले धारिलो हतियार प्रहार गरी सूर्यको ज्यान लिएको प्रहरीले जनाएको छ । घटनाको खबर प्राप्त हुनासाथ प्रहरी वृत्त जनसेवाबाट खटिएको प्रहरीले सुरजलाई पक्राउ गरेको बताइएको छ ।

हत्या सम्बन्धमा प्रहरीले थप अनुसन्धान गरिरहेको छ ।