भक्तपुर पोष्ट संवाददाता बारा, ३ भदौ, २०८०
बारा, ३ भदौ, २०८० बारा जिल्लामा बच्चा चोरेर लैजादै गरेका एक भारतीय पक्राउ परेका छन् । सशस्त्र प्रहरीको टोलीले बच्चा चोरी गरि भारततर्फ लैजादैगर्दा उनलाई पक्राउ गरेको हो ।
पक्राउ पर्नेमा २२ वर्षीय भारतीय नागरिक ताबरेज आलम रहेका सशस्त्र प्रहरीले जनाएको छ ।दुइजना बच्चाहरूलाई बोरामा राखेर भारततर्फ लैजाँदै गरेको अवस्थामा उनी पक्राउ परेका हुन् ।
देवताल गाउँपालिका-३ नन्की अमुवा बस्ने शिवपुजन महतोकी ९ महिनाकी छोरी र प्रेमचन्द महतोका दुई वर्षीय छोरालाई आलमले चोरी गरी बोरामा हालेर भारततर्फ लैजाँदै गर्दा सशस्त्र प्रहरीले समातेको सशस्त्रका डीएसपी शैलेन्द्र थापाले बताए |