News Portal

  • कीर्तिपुर नगरपालिकासंग समाजवादी मोर्चाको १९ बुँदे माग

    भक्तपुर पोष्ट संवाददाता भक्तपुर, २० कार्तिक २०८०
    ४३६ पटक
    भक्तपुर, २० कार्तिक २०८०

    समाजवादी मोर्चा, कीर्तिपुर नगर समितिले कीर्तिपुर नगरपालिकालाई १९ बुँदे ज्ञापनपत्र बुझाएको छ । मोर्चाले विकासमुखी, जनमुखी, र प्रभावकारीे कार्यसम्पादनको माग गर्दै १९ बुँदै ज्ञापनपत्र बुझाएको हो ।

    कीर्तिपुर नगरपालिकाका प्रमुख राजकुमार नकर्मीलाई सोमबार एक कार्यक्रमकाबीच मोर्चाको अनुगमन समितिका संयोजक प्राडा शिवशरण महर्जनले ज्ञापनपत्र हस्तान्तरण गरेका हुन् ।

    ज्ञापनपत्र बुझ्दै कीर्तिपुर नगरप्रमुख नकर्मीले नगरपालिकाको कार्यक्षेत्रभित्र पर्ने समस्या चाँडै सम्बोधन गर्ने प्रतिबद्धता प्रकट गरेका छन् ।कीर्तिपुरमा स्नातकसम्म निशुल्क शिक्षाको लागि नगरपालिकाले राम्रो काम गरेको स्मरण गर्दै उनले आफ्नो घोषणापत्र अनुसार प्रायः सबै काम भए पनि प्राविधिक शिक्षालय स्थापना गर्न नसकिएको गुनासो गरे ।

    सङ्घीय सरकारको विकास निर्माणका कामले गर्दा सडकमा केही प्रदूषण भए पनि चाँडै सोबारे सम्बन्धित निकायको ध्यानाकर्षण गरेर समाधान गर्ने उनले दावी गरे । नगरको विकास, व्यवस्थित र समृद्धिको लक्ष्यको लागि अडिग रहेको जिकिर गर्दै उनले बजेट विनियोजन नहुँदा विकासका गतिविधिहरु प्रभावित भएका बताएका छन् ।

    सत्ता साझेदार नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी, नेपाल र नेत्र विक्रम चन्द नेतृत्वको नेपाल कम्युनिष्ट पार्टीका स्थानीय नेताहरुद्वारा पनि हस्ताक्षरित ज्ञापनपत्रमा नेपालको जेठो मध्येकै नगरपालिकाको २७ वर्षको इतिहासमा पनि न्यूनतम सहरी पूर्वाधारको विकास नभएको उल्लेख गरिएको छ ।

    कीर्तिपुर सांस्कृतिक संरक्षित क्षेत्र सम्बन्धी ऐन कार्यान्वयन गर्न, राता मच्छिन्द्रनाथको प्रतिमुर्ति बुंगमतिबाट फिर्ता गरी कीर्तिपुरमा स्थापना गर्न, बेनिस्सा, स्वबासी तथा सुकुम्बासी जग्गाको समस्या समाधानको लागि तत्काल कार्वाही अगाडि बढाउन, विष्णुदेवी अस्पताललाई नगर अस्पतालको रुपमा स्तरोन्नती गर्न, त्रिभुवन विश्वविद्यालय, फेक्ट नेपाल (कीर्तिपुर अस्पताल)लगायतसँग भएका सम्झौता कार्यान्वयन गराउन पहल गर्न, अर्बौं धनराशीसहित फरार रहेका सहकारी सञ्चालकलाई कार्वाही र बचत फिर्ताको लागि पहल गर्नको लागि ज्ञापनपत्रमा माग गरिएको छ ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...