News Portal

  • पतिपत्नी सवार मोटरसाइकल पल्टदा पछाडीबाट आइरहेको बसको ठक्करबाट पत्नीको मृत्यु

    भक्तपुर पोष्ट संवाददाता भक्तपुर, १४ मंसिर २०८०
    २१० पटक
    भक्तपुर, १४ मंसिर २०८०

    काभ्रेको रोशि ११ डालाबेशि स्थित बि.पि.राजमार्ग सडक खण्डमा सवारी दुर्घटना हुँदा एकजनाको ज्यान गएको छ । मोटरसाइकल पल्टदा पछाडी बाट आइरहेको बसले किचेपछि मोटरसाइकलमा सवार रहेकी काठमाडौको का.म.न.पा.११ की ६१ वर्षीया बिन्दा गिरीको ज्यान गएको हो ।

    जिल्ला प्रहरी कार्यालय काभ्रेका डिएसपी राजकुमार श्रेष्ठले जनाए अनुसार बिहीवार बिहान करिब १० बजेको समयमा सिन्धुली तर्फ जादै गरेको बा.प्र.०२-०२४ प ४०९२ नं. को मोटरसाइकल.आफै अनियन्त्रित भई पल्टदा सोहि दिशाबाट आउदै गरेको बा ४ ख ७५१८ नं. को बसले ब्रेक लगाउने क्रममा बसको पछाडिको भागको बाँया साईडको चक्काले पछाडि सवार गिरीलाई ठक्कर दिई घाईते बनाएको थियो । उनलाई उद्धार गरी धुलिखेल अस्पताल पुर्याइएकोमा उपचारको क्रममा करिब सवा ११ बजे सम्बन्धित चिकित्सकले उनलाई मृत घोषणा गरेका थिए ।

    उनका पति मोटरसाइकल चालक प ६१ वर्षीय ज्ञानराज गिरीको दाहिने हात र खुट्टामा चोट रहेको र अबस्था मध्यम रहेको बताइएको छ । ठक्कर दिने बस र बसका चालक इप्रका मंगलटारको नियन्त्रणमा रहेको प्रहरीको भनाइ छ ।

    यसैगरी काभ्रेमै दिउसो करिब साढे २ बजे अर्को सडक दुर्घटना भएको छ । नमोबुद्ध न.पा. ७ चौकीडांडा स्थित विपि राजमार्ग सड्क खण्डमा काठमाण्डौबाट पुर्व तर्फ जाँदै गरेको प्र. २ -०२-००१ च ०८२८ नं. को कुखुरा बोक्ने बोलेरो गाडिले बिपरित दिशाबाट आउदै गरेको बा ६५ प १४०९, बा ८७ प ६९३६ र बा.प्र.०२-०४५ प ५४३० नं. को गरी ३ वटा मोटरसाइकल लाई ठक्कर दिएको हो ।

    दुर्घटना भएको ३ वटा मोटर साइकलमा सवार ६ जना ब्यक्तिहरुलाई उपचारको लागि धुलिखेल अस्पताल पुर्याइएको, सबै सवारी साधन र बोलेरो चालक प्रहरी चौकी कटुन्जेको नियन्त्रणमा रहेको डिएसपी राजकुमार श्रेष्ठले जानकारी गराएका छन् ।

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...